Paano nagkaroon ng Iglesia Ni Cristo sa Pilipinas?

Marami ang nagtatanong kung bakit sinasabi ng mga kaanib sa Iglesia Ni Cristo na ito ay itinatag ng ating panginoong Dios at ni Cristo sa bansang Pilipinas sa pamamagitan ng hula? Paanu daw natin natitiyak na Ang Dios at si Cristo nga ang nagtatag nito? Kaya po sa pag kakataong ito ay patutunayan natin sa pamamagitan ng mga Hula na nakasulat sa biblia kung papaano nagkaroon ng Iglesia ni Cristo sa Pilipinas? Iisa isahin natin ang mga hula na nagpapatotoo sa kahalalan ng Iglesia Ni Cristo.

Paano nagkaroon ng Iglesia Ni Cristo sa Pilipinas?  Sa Juan 10:16, ay ganito ang sabi ni Cristo:

      “At mayroon pa akong ibang mga tupa, na hindi sa kulungang ito:  sila’y kailangan din namang dalhin ko, at kanilang diringgin ang aking tinig; at sila’y magiging isang kawan.”

Ang sabi ni Cristo, mayroon pa Siyang ibang mga tupa na wala pa sa kulungan noong Siya’y narito pa sa lupa.  Ang mga ito ay dadalhin Niya at kanilang diringgin ang Kanyang tinig, at sila’y gagawin Niyang isang kawan at magkakaron ng isang pastor.  Ano itong kawan?  Sa Gawa 20:28, tinitiyak na ang kawan ay ang Iglesia ng Panginoon.  Ang Panginoon ay si Cristo ( Gawa 2:36).  Samakatuwid, ang kawan ay ang Iglesia Ni Cristo.  Kung gayon, gagawin ni Cristong Iglesia Ni Cristo itong Kanyang ibang mga tupa na noong narito pa Siya sa lupa ay wala pa sa kulungan.  Sinu-sino naman itong mga tupa ni Cristo na nasa kulungan na noon at sinu-sino naman itong wala pa sa kulungan?  Sa Gawa 2:39, ay ganito ang sinasabi:

     “Sapagkat sa inyo ang pangako, at sa inyong mga anak, at sa lahat ng nangasa malayo, maging ilan man ang tawagin ng Panginoon nating Dios sa kaniya.”

 Ang tanong natin ay kung sinu-sino  ang mga tupa ni Jesus na nasa kulungan na at ang mga wala pa sa kulungan.  Ang isinagot sa atin ng talata’y ang tatlong pulutong ng mga taong tatanggap ng Espiritu Santo.  Ang una’y “sa inyo”, ang ikalawa’y sa “inyong mga anak” at ikatlo’y sa “lahat ng nangasa malayo, maging ilan man ang tawagin ng Diyos”.  Ang dalawang naunang pulutong ay natawag na, kaya ang mga ito’y nasa kulungan na noon; ngunit itong huli o ikatlong pulutong ay hindi pa natatawag noon kundi tatawagin pa lamang sila “kaya ang sabi maging ilan man ang tawagin ng Paninoon nating Dios”, kaya wala pa sila sa kulungan noong si Cristo’y narito pa sa lupa.  Sinu-sino ba itong natawag na o nasa kulungan na noong si Cristo’y narito pa sa lupa at sa panahon ng mga Apostol?  Sa Roma 9:24, ay ganito ang patotoo ni Apostol Pablo:

     “Maging sa atin na kaniya namang tinawag, hindi lamang sa mga Judio, kundi naman mula sa mga Gentil.”

Ang mga natawag na ay ang mga Judio at ang mga Gentil.  Ito ang mga tupa ni Cristo na nasa kulungan na noon.  Sino naman itong mga tupa ni Cristo na wala pa sa kulungan noon?  Ito ang mga nasa malayo , na noon ay hindi pa tinatawag kundi tatawagin pa lamang, kaya wala pa sila sa kulungan.  Alin itong malayo na kinaroroonan ng mga tupa ni Cristo na wala pa sa kulungan o hindi pa natatawag noong si Cristo ay narito pa sa lupa?  Sa Isaiah 43:6, ay ganito ang nasusulat:

     “Aking sasabihin sa hilagaan, Bayaan mo, at sa timugan, Huwag mong pigilin; dalhin mo rito ang aking mga anak na lalake na mula sa malayo, at ang aking mga anak na babae  na mula sa mga wakas ng lupa.”

Kinikilala rin ng Diyos na Kanyang mga anak itong mga tupa ni Cristo na nasa malayo na noong panahon Niya rito sa lupa ay wala pa sa kulungan.  Ngunit aling malayo?  Sa Isaiah 43:5 ay ganito ang sinasabi:

     “Huwag kang matakot, sapagka’t ako’y sumasaiyo; aking dadalhin ang iyong lahi mula sa silanganan, at pipisanin kita mula sa kalunuran.”

Aling malayo?  Malayong Silangan!  Ang sabi ng iba, wala raw mababasang Malayong Silangan sa Bibliya.  May mababasa raw na salitang malayo na ito’y nasa talatang 6, at may mababasa raw na salitang silangan na ito nama’y nasa talatang 5, ngunit iyong salitang malayong silangan na magkasama o magkakabit ay wala raw mababasa.  Hindi totoo ito sapagkat sa Bibliyang Ingles ng Isaiah 43:5 na salin ni James Moffatt ay ganito ang nasusulat:

“From the far east will I bring your offspring …”

Sa wikang Pilipino:

“Mula sa malayong silangan ay aking dadalhin ang iyong lahi…”

Hindi ba maliwanag na Malayong Silangan ang nabasa natin?  Maliwanag!  Bakit sa Bibliyang Tagalog ay wala iyong Malayong Silangan?  Kung wala man, walang ibang dapat sisihin kundi ang mga nagsalin ng Bibliyang Tagalog.

Alin naman itong malayong Silangan?  Sa World History nina Boak, Slosson, at Anderson, pahina 445, ay ganito ang sinasabi:

Sa Tagalog na:

“Ang Pilipinas ay naging bahagi ng Espanya sa unang kilusan sa pananakop sa Malayong Silangan.”

Maliwanag na pinatutunayan ng kasaysayan na ang Malayong Silangan ay ang Pilipinas.  Ang kinikilala ng Dios na kanyang mga anak na lalaki at babae  Sabi ni Jesus ay Sila’y kaniyang dadalhin at diringgin ang Kanyang tinig at sila’y gagawin Niyang isang kawan o Iglesia.

Paano pinatunayan ng hula ng Diyos na Iglesia Ni Cristo ang lilitaw sa Pilipinas?  Sa Isaiah 43:5-7, ay ganito ang nasusulat:

     “Huwag kang matakot, sapagka’t ako’y sumasaiyo:  aking dadalhin ang iyong lahi mula sa silanganan, at pipisanin kita mula sa kalunuran.

     “Aking sasabihin sa hilagaan, Bayaan mo, at sa timugan, Huwag mong pigilin; dalhin mo rito ang aking mga anak na lalake na mula sa malayo, at ang aking mga anak na babae na mula sa mga wakas ng lupa;

     “Bawat tinatawag sa aking pangalan, at yaong aking nilikha ay aking kaluwalhatian, yaong aking inanyuan, oo, yaong aking ginawa.”

Ano ang itatawag ng Diyos sa Kanyang mga anak na lalaki at babae na mula sa Pilipinas ayon sa hula?  Sila’y tatawagin sa Kanyang pangalan.  Aling pangalan?  Yaong pangalan na Kanyang nilikha o ginawa para sa Kanyang kaluwalhatian.  Alin ba ang pangalang ginawa ng Diyos para sa Kanyang kaluwalhatian?  Sa Gawa 2:36, ay ganito ang sinasabi:

     “Kaya't dapat malaman ng buong Israel na itong si Jesus na ipinako ninyo sa krus ay siyang ginawa ng Diyos na Panginoon at Cristo!"

Alin ang pangalang ginawa ng Diyos?  Ang pangalang Cristo.  Ito nga ba’y sa ikaluluwalhati ng Diyos?  Oo, gaya ng pinatutunayan sa Filipos 2:9-11.  Papaano ba kung itawag ang pangalang Cristo sa mga kinikilala Niyang mga tupa Niya?  Iglesia Ni Cristo kung ito’y itawag sa Roma 16:16.  Ano ang kahalagahan ng pangalang ito?  Ito ba’y walang kabuluhan?  Dapat ba itong baguhin o palitan?  Sa Gawa 4:10-12, ay ganito ang nasusulat:

     “Talastasin ninyong lahat, at ng boong bayan ng Israel, na sa pangalan ni Jesucristong taga Nazaret, na inyong ipinako sa krus, na binuhay ng Dios na maguli sa mga patay, dahil sa kanya ay nakatindig ang taong ito sa inyong harap na walang sakit.

     “At sa kanino mang iba ay walang kaligtasan; sapagka’t walang ibang pangalan sa silong ng langit, na ibinigay sa mga tao, na sukat nating ikaligtas.”

Kaya ito ang katuparan ang pinatunayan ng hula ng Dios na Iglesia Ni Cristo ang lilitaw sa Pilipinas. Ang pangalang ibinigay ng Dios. Ang Panglang sunod sa may ari ng Iglesia sa ikaluluwalhati ng Dios. Sa kanino mang iba’y walang kaligtasan.

Dumako tayo sa Panahon ng paglitaw ng Iglesia sa Pilipinas; Kailan itinakda ng hula ang paglitaw sa Pilipinas ng Iglesia Ni Cristo?  Ayon sa hulang ating sinipi na sa unahan nito (Isaiah 43:5-6), ang panahong itinakda ng Diyos sa paglitaw ng Iglesia Ni Cristo sa Pilipinas ay sa mga wakas ng lupa.  Kailan itong mga wakas ng lupa?  Upang matiyak natin ito, kailangan nating pag-aralan ang pagkakahati ng panahon ni Cristo.  Sa ilang hati nababahagi ang panahon ni Cristo?  Sa Apocalipsis 5:1, ay ganito ang sinasabi:

     “At nakita ko sa kanang kamay niyaong nakaupo sa luklukan ang isang aklat na may sulat sa loob at sa labas, na tinatakang mahigpit ng pitong tatak.”

Mapapansin natin sa pagbasa ng talatang ito na tila malayo ang sagot sa ating tanong.  Ang itinatanong natin ay kung sa ilang bahagi nahahati ang panahon ni Cristo, ang isinagot sa ati’y isang aklat na may pitong tatak.  Tunay na aklat kaya itong natatakan ng pitong tatak?  Sa Isaiah 29:11, ay ganito naman ang nakasulat:

     “At sa lahat ng pangitain ay naging sa inyo’y gaya ng mga salita ng aklat na natatatakan, na ibinibigay ng mga tao sa isang marunong bumasa, na sinasabi,  Iyong basahin ito, isinasamo ko sa iyo:  at kaniyang sinasabi, Hindi ko mababasa, sapagka’t natatatakan.”

Samakatuwid, hindi tunay na aklat sa kalagayan itong aklat na natatatakan ng pitong tatak kundi ito’y pangitain.  Ang panahon ba ni Cristo’y ipinakita sa mga pangitain?  Sa Apocalipsis 1:10, 17-19, ay ganito ang sinasabi:

     “Ako’y nasa Espiritu nang araw ng Panginoon, at narinig ko sa aking likuran ang dakilang tinig na tulad sa isang pakakak.

     “At nang siya’y aking makita ay nasubasob akong wari’y patay sa kaniyang paanan.  At ipinatong niya sa akin ang kaniyang kanang kamay, na sinasabi, Huwag kang matakot; ako’y ang una at ang huli”

     “At ang nabubuhay; at ako’y namatay, at narito, ako’y nabubuhay magpakailan man, at nasa aking kamay ang mga susi ng kamatayan at ng hades.

     “Isulat mo nga ang mga bagay na nakita mo, at ang mga bagay ngayon, at ang mga bagay na mangyayari sa darating.”

Ipinakita ba sa pangitain ang panahon ni Cristo? Opo,  Ipinakita kay Apostol Juan upang maisulat niya ang mga pangyayaring magaganap sa buong panahon ni Cristo.  Sa ilang bahagi ba nahahati ang buong panahon ni Cristo?  Nahahati ito sa pitong tatak o pitong buko ng panahon.  Saan sa pitong bukong ito ng panahon o pitong tatak ang tinatawag na mga wakas ng lupa?  Sa dulo ng ikaanim ng tatak at sa simula ng ikapitong tatak.  Ito ang tinatawag na mga wakas ng lupa.  Bakit ang sabi’y mga wakas ng lupa?  Sapagkat ang dulo ng ikaanim na tatak ay isang wakas at ang simula ng ikapito’y wakas din, sapagkat ito ang wakas ng hati ng panahon ni Cristo, at sa dulo ng ikapitong tatak ay wakas naman ng sanlibutan, kaya kung tawagin ang dulo ng ikaanim, at simula ng ikapitong tatak ay mga wakas ng lupa.  Anong petsa ito  sa ating kalendaryo?  Upang ito’y matiyak natin, alamin muna natin ang pangyayaring naganap sa dulo ng ikaanim na tatak.  Sa Apocalipsis 6:12, ay ganito ang sinasabi:

     “At nakita ko nang buksan niya ang ikaanim na tatak …”

Sinasabi ritong binuksan ang ikaanim na tatak.  Ano ang pangyayaring naganap sa dulo nito?  Sa talatang 15, ay ganito ang sinasabi:

     “At ang mga hari sa lupa, at ang mga prinsipe, at ang mga pangulong kapitan, at ang mayayaman, at ang bawa’t alipin at ang bawa’t laya, ay nagsipagtago sa mga yungib at sa mga bato sa bundok.”

Ano ang pangyayari?  Nagsipagtago sa mga yungib at mga bato sa mga bundok ang lahat ng uri ng mga tao.  Ano ang dahilan ng kanilang pagtatago?  Sa Jeremias 4:23, 19, ay ganito ang sinasabi:

     “Narito, siya’y sasagupang parang mga ulap, at ang kaniyang mga karo ay magiging parang ipo-ipo:  ang kaniyang mga kabayo ay lalong matulin kay sa mga aguila.  Sa aba natin!  Sapagkat tayo’y nangapahamak.

     “Ang hirap ko, ang hirap ko!  Ako’y nagdaramdam sa aking puso; ang dibdib ko ay kakaba-kaba, hindi ako matahimik;  sapagkat iyong narinig O! kaluluwa ko, ang tunog ng pakakak, ang hudyat ng pakikidigma.”

Bakit nagtago?  Sapagkat may naganap na digmaan nang panahong yaon.  Bakit nagsipagtago ang mga tao?  Ang digmaang ito’y ginamitan ng mga makabagong kagamitang pandigma, gaya ng mga karo na parang ipuipo (mga tangke) at mga kabayong matulin pa sa mga agila (mga eroplano)—tinatawag itong ‘aerial cavalry’ o kabayuhang panghimpapawid (World History, p. 478).  Kapag sumasasalay ang mga eroplano’y may hudyat na tumutunog.  Ito ang tunog ng mga sirena na nagbababala sa mga tao na may pagsalakay sa himpapawid.  Kapag narinig ito ng mga tao’y kumakaba ang kanilang mga dibdib, at sila’y nagsisipagtago sa mga yungib na sa makabagong tawag ay ‘air raid shelter’.  Anong uring digmaan itong magaganap sa dulo ng ikaanim na tatak ayon sa hula?  Ito’y digmaan ng lahat ng mga bansa sa buong sanlibutan (Isaiah 34:1-2), samakatuwid ay Digmaang Pandaigdig.  Kailan ito naganap ayon sa ating kalendaryo?  Noong 1914.  Ang panahong ito ang tinatawag ng Biblia na mga wakas ng lupa.  Sa panahong ito itinakda ng hula ang paglitaw sa Pilipinas ng Iglesia Ni Cristo na mga tupa ni Jesus na wala pa sa kulungan noong narito pa Siya sa lupa.  Natupad ba ang hula?  Natupad!  Ang Iglesia Ni Cristo ay napatala sa pamahalaan noong Hulyo 27, 1914 kasabay ng pagsiklab ng Unang Digmaang Pandaigdig. Sino ang nagtayo ng tunay na Iglesia Ni Cristo na lumitaw sa Pilipinas noong 1914?  Ang Diyos at si Cristo sa bisa ng hula.  Natupad ito sa pamamagitan ng pagsusugo kay kapatid na Felix Manalo sa mga huling araw na ito.

Filipos 2:5-8 Si Cristo ba ay Dios?

FILIPOS 2: 5-8

Ang talatang ito ay isa sa madalas gamitin ng mga tao na naniniwala sa pagka Dios daw ni Cristo, suriin po natin kung tama po ba ang pagkaunawa nila sa talata?

Sipiin po natin ang nasabing talata:

5Ito ay sapagkat kailangang taglayin ninyo ang kaisipan na na kay Cristo Jesus din naman. 6Bagaman siya ay nasa anyong Diyos, hindi niya itinuring na kailangang pakahawakan ang kaniyang pagiging kapantay ng Diyos. 7Bagkus ginawa niyang walang kabuluhan ang kaniyang sarili at tinanggap niya ang anyo ng isang alipin at nakitulad sa tao. 8Yamang siya ay nasumpungan sa anyong tao, siya ay nagpakumbaba at naging masunurin hanggang sa kamatayan, maging sa kamatayan sa krus. Ang talatang ito ang siyang ebedensya na  si Cristo ay hindi tunay na Dios. Bakit? Pansinin ang banggit na….

“Naging masunurin hanngang sa kamatayan sa krus”

Anong talata ang lalabagin pag tinanggap na Dios si Cristo?

ayon kay apostol Pablo ay ito po......

" Ngayon, sa Haring walang hanggan at walang pagkabulok, at hindi nakikita, at tanging matalinong Diyos, sumakaniya ang karangalan at kaluwalhatian magpakailan pa man. Siya nawa". ( 1Timoteo 1:17)

  "Ito ay sapagkat ibinigay ko na nga sa inyo nang una pa lamang ang akin ding tinanggap, na si Cristo ay namatay para sa ating mga kasalanan ayon sa mga kasulatan". (1 Mga Taga-Corinto 15:3)

Ang totoong DIOS  po ay walang kamatayan ayon sa pahayag ni Apostol Pablo kay Timoteo, samantalang ipinahayag naman niya sa mga taga Corinto na tanggap niya na si Cristo ay namatay. At Silang dalawa ay magkaibang entity,hindi po sila IISA,na ang ama ay si Jesus din tulad ng gustong palabasin ng mga naniniwalang Dios si Cristo., saka sisitas ng nasa Juan 10:30.

Sa pahayag ni apostol Pablo sa mga taga Filipos ay ganito po ang kanyang ipinahayag:

" Sumainyo nawa ang biyaya at kapayapaang mula sa Diyos na ating Ama at sa Panginoong Jesucristo.” (Mga Taga-Filipos 1:2)

Hayan po magkaiba po ang Cristo at ang Dios.

Ano pa po ang pruweba? Si Cristo po ay nanalangin sa Dios

Nanalangin si Jesus para sa Kaniyang Sarili.

 "Sinabi ni Jesus ang mga bagay na ito at tumingin siya sa langit at nagsabi:  Ama ang oras ay dumating na. Luwalhatiin mo ang  iyong Anak at nang luwalhatiin ka rin naman ng Anak. Kung paanong binigyan mo siya ng kapamahalaan sa  lahat ng tao, sa gayunding paraan siya ay magbibigay ng  buhay na walang hanggan sa lahat ng ibinigay mo sa kaniya. Ito ang buhay na walang hanggan: Ang makilala ka nila, ang tanging Diyos na totoo at si Jesucristo na  iyong sinugo."(Juan 17:1-3) 

Kung ipapangatuwiran naman na ang Dios ay pwede ding suguin at manalangin, sige nga po hanapin natin sa kanila saang talata mababasa na ang Ama ay nanalangin kay Cristo?

Dito pa lang po nakikita na natin ang hindi nila pagkakapantay.

Ano pa po ang pagkakaiba ng Dios at ni Cristo? Ang sagot po, sa Likas na kalagayan!

"Ingatan nga ninyo mabuti ang inyong mga sarili; sapagkat wala kayong nakitang anomang anyo nang araw na magsalita ang Panginoon sa inyo sa Horeb mula sa gitna ng apoy".(Deuteronomio 4:14)

Juan 4:24 Ang Dios ay Espiritu! (likas na kalagayan)

Ang Dios ay hindi nakikita, ngayon po ano naman ang pahayag ni Lucas tungkol sa Cristo?

Lucas 24:39Tingnan ninyo ang aking mga kamay at mga paa. Ang mga ito ay nagpapatunay na ako ito. Hipuin ninyo ako at tingnan. Ang espiritu ay walang laman at buto tulad ng nakikita ninyo sa akin.

Mag kaiba ang likas na kalagayan ng Panginoong Dios at Panginoong Jesus.

Kung gayon ano po ang katumbas ng banggit na si Kristo ay nasa anyong Dios?

Ito po ay hindi tumutukoy sa likas na kalagayan.ano po ang ating katibayan?

 Ang katibayan po natin ay naipahayag na natin sa itaas, naipakita natin na ang Dios ay walang pisikal na anyo kaya, nasisiguro natin na ang anyong binabanggit ay hindi pisikal kundi ito ay anyo na ang aibig sabihin ay imahe, o image sa English. Meron po ba tayong kakampi na hindi naman kaanib sa Iglesia ni Cristo na makakapagpatunay ng ating sinasabi?

Meron po! Dito po babasahin natin kung ano ba ang pakahulugan niya sa salitang “anyo” o“form”.

“..it has been long recognized that ‘Morphe’ (form) and ‘eikon ‘ (image) are near synonyms and that Hebrew thought the ‘visible form of God’ is his glory” (CHRISTOLOGY IN THE MAKING By James D.G. Dunn p.115)

Ayon naman po pala ang ibig sabihin ng “anyo o image” ang anyong makikita sa Dios ay ang Kanyang kaluwalhati-an.

Bakit po tayo agree sa ating kakampi? Kasi po ang kanyang sinasabi ay kakampi din ng sinasabi ng biblia.

Heto po ang patunay mula sa biblia….

 2 Mga Taga-Corinto 4: 4Binulag ng diyos ng kapanahunang ito ang mga kaisipan ng mga hindi sumampalataya upang hindi lumiwanag sa kanila ang liwanag ng ebanghelyo ng kaluwalhatian ni Cristo na siyang ANYO ng Diyos.SND)

In the form of GOD- hindi sa kalagayan tumutukoy kundi sa KALUWALHATIAN ng Panginoong Dios.

 EFESO 4:24

 “at ang dapat makita sa inyo’y ang bagong pagkatao na nilikhang kalarawan ng DIOS, kalarawan ng kanyang katwuiranat kabanalan.”(SND)

Si Cristo ay larawan o anyo ng Dios hindi po DIOS!

ANG LAYUNIN NI CRISTO SA PAGTATAYO NG KANYANG IGLESIA

 Walang malay ang maraming tao tungkol sa layon ni Cristo sa pagtatayo ng Iglesia Niya.  Kaya hindi nila pinahahalagahan ang Iglesia Ni Cristo.  Hindi nila alam ang kahalagahan nito.  Ang akala nila, ito ay katulad din ng ibang mga iglesiang itinatag ng kung sinu-sinong tao rito sa mundo.  Wala ring malay ang maraming tao tungkol sa kung paano itinayo ni Cristo ang Kaniyang Iglesia.  Kaya't ito ang ating liliwanagin sa pamamagitan ng mga aral na itinuturo ng bibliya.

PAANO ITINAYO NI CRISTO ANG KANYANG IGLESIA

AYON SA ITINUTURO NG BANAL NA KASULATAN?

Sa Efeso 2:15 ay ganito ang sinasabi:

"Na inalis ang pagkakaalit sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang taong bago, sa ganito'y ginagawa ang kapayapaan; "

Paano itinayo?  Nilalang ni Cristo ang isang taong bago.  Siya at ang mga taong sumasampalataya sa Kanya.  Paano nilalang ni  Cristo itong isang taong bago?  Sa Mat. 16:18, ay ganito ang sinasabi:

"At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesia; at ang mga pintuan ng Hades ay hindi magsisipanaig laban sa kaniya. "

Ganito nilalang ni Cristo ang isang taong bago:  itinayo Niya ang Kanyang Iglesia sa ibabaw ng bato.  Sino itong bato?  Sa Gawa 4:10, 11, ay ganito ang sinasabi:

"Talastasin ninyong lahat, at ng buong bayan ng Israel, na sa pangalan ni Jesucristo ng taga Nazaret, na inyong ipinako sa krus, na binuhay ng Dios na maguli sa mga patay, dahil sa kaniya ay nakatindig ang taong ito sa inyong harap na walang sakit."

 "Siya ang bato na itinakuwil ninyong mga nagtayo ng bahay, na naging pangulo sa panulok.  "

Sino ang bato?  Si Cristo.  Itinayo ni Cristo ang Kanyang Iglesia sa Kanya ring sarili.  Itinayo Niya sa Kanyang sarili ang Kanyang Iglesia na ano Niya at ano naman Siya ng Iglesia?  Sa Colosas 1:18 ay ganito ang nakasulat:

"At siya ang ulo ng katawan, sa makatuwid baga'y ng iglesia ... "

Itinayo ni Cristo sa Kanya ang Kanyang Iglesia na katawan Niya at Siya ang ulo nito.  Kaya ang naging kayarian ay isang taong bago.  Bakit ganito ang ginawa ni Cristo?  Ano ang layon ni Cristo at itinayo Niya ang Kanyang Iglesia na katawan Niya at Siya ang lumagay na ulo?  Dahil sa batas ng Diyos sa taong nagkakasala.  Ano ba ang batas ng Diyos sa mga taong nagkakasala?  Sa Ezekiel  18:4, ay ganito ang sinasabi:

"Narito, lahat ng kaluluwa ay akin; kung paano ang kaluluwa ng ama, gayon din ang kaluluwa ng anak ay akin: ang kaluluwa na nagkakasala ay mamamatay. "

Ganito pa ang sinasabi sa talatang 20:

" Ang kaluluwa na nagkakasala, mamamatay: ang anak ay hindi magdadanas ng kasamaan ng ama, o magdadanas man ang ama ng kasamaan ng anak; ang katuwiran ng matuwid ay sasa kaniya, at ang kasamaan ng masama ay sasa kaniya.  "

Ano ang batas ng Diyos sa nagkakasala?  Kung sino ang nagkasala ang siyang dapat mamatay.  Aling kamatayan?  Ang ikalawang kamatayan.  Ang ikalawang kamatayan sa dagat-dagatang apoy o impiyerno. (Apoc. 20:14)  Kung gayo'y walang taong maliligtas, sapagkat ang lahat ng tao'y nagkasala (Roma 5:12).  Kaya ang lahat ng tao'y napasailalim ng hatol na kamatayan sa dagat-dagatang apoy (Roma 3:19; 6:23, Apoc. 20:14).  Si Cristo lamang ang tanging taong hindi nagkasala (I Ped. 2:21-22,  Heb. 4:15).

Kung ang tao ang magbabayad ng kanyang mga kasalanan, makababayad siya ngunit hindi siya maliligtas.  Kung si Cristo naman ang magbabayad ng kasalanang ginawa ng tao, labag naman sa batas ng Diyos na kung sino ang nagkasala ay siyang dapat mamatay.  Kaya't upang mailigtas ni Cristo ang mga tao ng ayon sa batas ng Diyos, nilalang ni Cristo ang Kanyang sarili at mga ililigtas Niya na isang taong bago.  Si Cristo ang lumagay na ulo upang managot, at ginawa Niyang katawan Niya ang mga ililigtas upang Kanyang mapanagutan.  Sa harapan ng Diyos, iisa nang tao si Cristo at ang mga taong ililigtas Niya.  

Napanagutan ba ni Cristo ang Kaniyang katawan o Iglesia?  Sa II Cor. 5:21, ay ganito ang sinasabi:

"Yaong hindi nakakilala ng kasalanan ay kaniyang inaring may saladahil sa atin: upang tayo'y maging sa kaniya'y katuwiran ng Dios.  "

Ang sinasabi ritong hindi nakakilala ng kasalanan ay si Cristo, ngunit inari Siyang maysala "dahil sa atin'.  Sino naman ang tinutukoy ritong "dahil sa atin"?  Lahat ba ng taong makababasa nito at makaririnig?  Hindi.  Bakit?  Sapagkat ang salitang "dahil sa atin" ay nauukol lamang sa nagsasalita at kinakausap.  Si apostol Pablo ang nagsasalita, ministro ng Iglesia, at ang kausap niya ay ang mga kaanib sa Iglesia.  kaya ang "dahil sa atin" ay tumutukoy sa iglesia na katawan ni Cristo.  Kung gayon, napanagutan ni Cristo ang kasalanan ng Kanyang katawan o Iglesia.

ALIN ANG TIYAK NA ILILIGTAS NI CRISTO

AYON SA BIBLIYA?

Sa Efeso 5:23, ay ganito ang sagot sa atin:

"Sapagka't ang lalake ay pangulo ng kaniyang asawa, gaya naman ni Cristo na pangulo ng iglesia, na siya rin ang tagapagligtas ng katawan.  "

Alin ang tiyak na ililgtas ni Cristo?  Ang katawan.  Alin itong katawan?  Ang Iglesia.  Marami ba ang katawan o Iglesia na ililigtas ni Cristo?  Sa Roma 12:4-5, ay sinasabi:

" Sapagka't kung paanong sa isang katawan ay mayroong tayongmaraming mga sangkap, at ang lahat ng mga sangkap ay hindi pareho ang gawain:  "

"Ay gayon din tayo, na marami, ay iisang katawan kay Cristo, at mga sangkap na samasama sa isa't isa."

Ilan ang katawan o iglesia na ililigtas ni Cristo?  Iisa lamang.  Alin ang marami?  Mga sangkap.  Sa kabuuan ay iisa ngunit ang bumubuo ang  marami.  Bakit itong katawan ni  Cristo
o Iglesia ang tanging ililigtas ni Cristo?  Ano puhunan ni Cristo sa Kanyang Iglesia? Sa Gawa 20:28, ay sinasabi ang ganito:

“Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pakanin ninyo ang iglesia ng Panginoon na binili niya ng kaniyang sariling dugo.  "

Ano ang puhunan ni  Cristo?  Dugo Niya.  Ano ang halaga ng dugo ni Cristo sa mga tinubos Niya?  Ganito ang sagot sa Heb. 9:14, 15:

"Gaano pa kaya ang dugo ni Cristo, na sa pamamagitan ng Espiritu na walang hanggan ay inihandog ang kaniyang sarili na walang dungis sa Dios, ay maglilinis ng inyong budhi sa mga gawang patay upang magsipaglingkod sa Dios na buhay? "

"At dahil dito'y siya ang tagapamagitan ng isang bagong tipan, upang sa pamamagitan ng isang kamatayan na ukol sa ikatutubos ng mga pagsalangsang na nasa ilalim ng unang tipan, ang mga tinawag aymagsitanggap ng pangako na manang walang hanggan. "

Ano ang halaga o nagawa ng dugo ni Cristo sa kapakanan ng mga tinubos Niya sa makatuwid baga’y ng Iglesia?  Nalinis ang kanilang budhi, nagkaroon sila ng karapatang maglingkod sa Diyos na buhay at tatanggap sila ng pangakong manang walang hanggan.  Kung gayon, hahatulan pa ba ang mga iglesia Ni Cristo?  Sa Roma 8:1, ay tinitiyak sa atin ang ganito:

"Ngayon nga'y wala nang anomang hatol sa mga na kay Cristo Jesus. "

Wala nang anumang hatol.  Sino itong mga taong na kay Cristo Jesus?  Ang Kanyang Iglesia (Mat. 16:18).  Bakit ang Iglesia ang na kay Cristo Jesus?  Sapagkat ito’y katawan Niya at Siya ang ulo nito (Col. 1:18).  Ano ang pangalang itinawag sa iglesiang katawan ni Cristo?  Iglesia Ni Cristo (Roma 16;16).  Ano ang katunayan na ang mga iglesia ni Cristo ay wala na ngang anumang hatol?  Sa I Tes. 4:16, ay ganito ang patunay:

" Sapagka't ang Panginoon din ang bababang mula sa langit, na may isang sigaw, may tinig ng arkanghel, at may pakakak ng Dios: at ang nangamatay kay Cristo ay unang mangabubuhay na maguli;"

Ano naman ang kapalaran ng mga unang mabubuhay na mag-uli?  Sa Apoc. 20:6, ay sinasabi ang ganito:

“Mapalad at banal ang makalakip sa unang pagkabuhay na maguli: sa mga ito'y walang kapangyarihan ang ikalawang kamatayan; kundi sila'y magiging mga saserdote ng Dios at ni Cristo, at mangaghaharing kasama niya sa loob ng isang libong taon."

Ano ang kapalaran?  Walang kapangyarihan ang ikalawang kamatayan.  Kanino?  Sa mga unang mabubuhay  na mag-uli.  Sinu-sino sila?  Ang mga kay Cristo.  Sinu-sino itong mga kay Cristo?  Ang mga sangkap ng kanyang katawan o Iglesia.  Alin naman itong  ikalawang kamatayan?  Ito ang dagat-dagatang apoy!  Samakatuwid, wala na ngang hatol ang mga iglesia ni Cristo (Roma 8:1).  Napakapalad nila!  Tangi rito, ano pa ang lalong dakilang kapalaran ng mga  iglesia ni Cristo?  Sa Efeso 3:6, ay sinasabi naman ang ganito:

" Na ang mga Gentil ay mga tagapagmana, at mga kasangkap ng katawan, at mga may bahagi sa pangako na kay Cristo Jesus sa pamamagitan ng evangelio, "

Sinasabi rito na ang mga Gentil ay naging tagapagmana.  Bakit?  Sapagkat sila’y naging kasangkap ng katawan o Iglesia ni Cristo.   Samakatuwid, mapalad ang iglesia ni Cristo sapagkat una, sapagkat siya’y wala nang anumang hatol.  At ikalawa, siya’y magiging tagapagmana.  Ano naman ang mamanahin ng mga iglesia ni Cristo?  Ang lupain na tinatahana ng katuwiran (II Pedro 3:13).  Alin itong lupain na tinatahanan ng katuwiran?  Sa Apoc. 21:1-4 ay ganito ang sinasabi:

“ At nakita ko ang isang bagong langit at ang isang bagong lupa:sapagka't ang unang langit at ang unang lupa ay naparam; at ang dagat ay wala na."

 "At nakita ko ang bayang banal, ang bagong Jerusalem, na nananaog mula sa langit buhat sa Dios, na nahahandang gaya ng isang babaing kasintahan na nagagayakang talaga sa kaniyang asawa."

 "At narinig ko ang isang malakas na tinig na mula sa luklukan, na nagsasabi, Narito, ang tabernakulo ng Dios ay nasa mga tao, at siya'y mananahan sa kanila, at sila'y magiging mga bayan niya, at ang Dios din ay sasa kanila, at magiging Dios nila:"

 "At papahirin niya ang bawa't luha sa kanilang mga mata; at hindi na magkakaroon ng kamatayan; hindi na magkakaroon pa ng dalamhati, o ng pananambitan man, o ng hirap pa man: ang mga bagay nang una ay naparam na. "

Alin itong lupaing tinatahanan ng katuwiran na mamanahin ng mga iglesia ni Cristo?  Ang Bayang Banal.  Ano ang magiging buhay roon?  Wala nang kamatayan, walang dalamhati o panambitan man, o hirap pa man.  Kaya napakahalaga ng maging sangkap ng katawan o Iglesia ni Cristo.

ANO ANG ITINURO NI CRISTO NA IKALILIGTAS SA PARUSA NG MGA TAO NA HINDI PA SANGKAP NG KATAWAN O IGLESIA NIYA?

Sa Juan 10:9, ay ganito ang Kanyang ipinag-uutos:

"Ako ang pintuan; ang sinomang taong pumasok sa akin, ay siya'y maliligtas, "

Ano ang ipinag-uutos?  Pumasok sa Kanya.  Pumasok na ano?  Sangkap ng katawan Niya.  Bahagi ng Kanyang Iglesia na pinangunguluhan Niya.  Samakatuwid, upang maligtas ang tao, kailangang siya’y  maging sangkap ng katawan ni Cristo o maging kaanib ng Iglesia ni Cristo.  Ano ang gagawin sa mga hindi pumasok kay Cristo o hindi  sumangkap sa katawan ni Cristo o sa madaling salita’y hindi  nag-iglesia ni Cristo?  Sa Lucas 13:24-28, ay ganito ang sinasabi :

"Magpilit kayong magsipasok sa pintuang makipot: sapagka't sinasabi ko sa inyo na marami ang mangagsisikap na pumasok, at hindi mangyayari
. 
"Kung makatindig na ang puno ng sangbahayan, at mailapat na ang pinto, at magpasimula kayong mangagsitayo sa labas, at mangagsituktok sa pintuan, na mangagsasabi, Panginoon, buksan mo kami; at siya'y sasagot at sasabihin sa inyo, Hindi ko kayo nangakikilala kung kayo'y taga saan;"

"Kung magkagayo'y pasisimulan ninyong sabihin, Nagsikain kami at nagsiinom sa harap mo, at nagturo ka sa aming mga lansangan;"

"sasabihin niya, Sinasabi ko sa inyo na hindi ko kayo nangakikilala kung kayo'y taga saan; magsilayo kayo sa akin, kayong lahat na manggagawa ng kalikuan."

"Diyan na nga ang pagtangis, at ang pagngangalit ng mga ngipin, kung mangakita ninyo si Abraham, at si Isaac, at si Jacob, at ang lahat ng mga propeta sa kaharian ng Dios, at kayo'y palabasin. "

Sino ang pintuang makipot na dapat pasukan sa ikaliligtas?  Si Cristo (Juan 10:9).  Si Cristo ang pintuang makipot na patungo sa buhay (Mat. 7:13-14).  Ano ang mangyayari pagdating ng araw ng paghuhukom?  Ang mga hindi nagsipasok ay nasa labas at magsisituktok.  Ano ang kanilang sasabihin?  “Panginoon, buksan mo kami.”  Ano ang isasagot ng Panginoon sa kanila?  “Hindi ko kayo nakikilala.”  Ano ang kanilang imamatuwid?  “nagsikain kami at nagsiinom sa harap mo, at nagturo ka sa aming mga lansangan.”  Ano ang sasabihin ng Panginoon?  “Hindi ko kayo nakikilala, magsilayo kayo sa akin, kayong lahat na manggagawa ng kalikuan.”  At saka sila tatangis at magngangalit ang mga ngipin.  Ano ang kasalanan ng mga  itinakwil na ito at ayaw kilalanin ni Jesus?  Hindi sila pumasok kay Cristo o hindi nag-iglesia ni Cristo.  Subali’t hindi ba sila tumawag sa Panginoon?  Hindi ba sila sumamba at naglingkod?  May relihiyon o iglesiang kinaaaniban rin ba ang mga ito?  Sa Mateo 7:21-23, ay ganito ang  ating mababasa:

"Hindi ang bawa't nagsasabi sa akin, Panginoon, Panginoon, ay papasok sa kaharian ng langit; kundi ang gumaganap ng kalooban ng aking Ama na nasa langit."

"Marami ang mangagsasabi sa akin sa araw na yaon, Panginoon, Panginoon, hindi baga nagsipanghula kami sa iyong pangalan, at sa pangalan mo'y nangagpalayas kami ng mga demonio, at sa pangalan mo'y nagsigawa kami ng maraming gawang makapangyarihan?"

"At kung magkagayo'y ipahahayag ko sa kanila, Kailan ma'y hindi ko kayo nangakilala: magsilayo kayo sa akin, kayong manggagawa ng katampalasanan. "

Ang mga itinakwil ba at ayaw kilalanin ni Cristo ay naglilingkod din at sumasamba?  Oo.  Tumatawag din ba sila sa Panginoon?  Oo.   Ano ang katunayan?  Nagsigawa pa sila ng maraming kababalaghan sa pangalan ni Cristo.  Ngunit ano ang malinaw  na sabi ni Cristo?  “Kailan ma’y hindi ko kayo nakikilala.”  Ano ang ibig sabihin ni  Cristo na “hindi ko kayo nakikilala?”  Hindi ba sila kilala  kung tagasaan sila at kung anu-ano ang mga pangalan nila?  Nakikilala  sila ni Jesus, pati ang mga katampalasanang ginawa nila’y nalalaman nito.  Bakit Niya sinabing “hindi ko kayo nakikilala?”  Ibig  sabihin:  “Hindi ko kayo nakikilalang aking katawan o aking iglesia.”  “Hindi kayo iglesia ni Cristo.”

Ang tunay na kay Cristo ay nakikilala Niya.  Sinabi ni Cristo:

" Ako ang mabuting pastor; at nakikilala ko ang sariling akin, at ang sariling akin ay nakikilala ako,"   (Juan 10:14)

Ano ang malinaw na sabi ni Jesus?  Nakikilala Niya ang sariling Kanya.  Sino ang mga hindi Niya nakikilala?  Ang mga itinakwil.  Samakatuwid, hindi sa Kanya ang mga iyon.  Hindi sila bahagi ng Kanyang katawan o Iglesia.

Kung ang isang tao nama’y iglesia na ni Cristo at nahiwalay o hindi nanatili, ano ang sinabi ni Jesus na mangyayari sa taong iyon ?  Sa Juan 15:6, ay ganito ang Kanyang sabi:

"Kung ang sinoman ay hindi manatili sa akin, ay siya'y matatapong katulad ng sanga, at matutuyo; at mga titipunin at mga ihahagis sa apoy, at mangasusunog. "

Ano ang sabi ni Jesus?  Ang hindi manatili sa Kanya ay matatapong katulad ng sanga at matutuyo, at titipunin at ihahagis sa apoy.  Samakatuwid,  masama ang mahiwalay sa katawan o iglesia ni Cristo.  Ang mahiway ay masusunog sa apoy!  Aling apoy?  Ito ang dagat-dagatang apoy at asupre na siyang ikalawang kamatayan (Apoc. 20:14).

PAANO ANG PAGPASOK KAY CRISTO NA IKALILIGTAS?

Sa Juan 1:12,13, ay ganito ang sinasabi:

"Datapuwa't ang lahat ng sa kaniya'y nagsitanggap, ay pinagkalooban niya sila ng karapatang maging mga anak ng Dios, sa makatuwid baga'y ang mga nagsisisampalataya sa kaniyang pangalan:"

"Na mga ipinanganak na hindi sa dugo, ni sa kalooban ng laman, ni sa kalooban ng tao, kundi ng Dios. "

Papaano ang pagpasok?  Dapat tanggapin si Cristo sa pamamagitan  ng pagsampalataya sa Kanyang pangalan.  Ang mga ito ang  pinagkaloobang maging mga anak ng Diyos.  Paano sila naging mga anak ng Diyos?  Hindi sa dugo, ni sa kalooban ng laman,  ni sa kaloban ng tao,  kundi ipinanganak sila ng kalooban ng Diyos.  Alin ang kalooban  ng Diyos na sa kanila’y nanganak?  Sa Santiago 1:18, ay ganito ang sinasabi:

"Sa kaniyang sariling kalooban ay kaniya tayong ipinanganak sa pamamagitan ng salita ng katotohanan, upang tayo'y maging isang uri ng mga pangunahing bunga ng kaniyang mga nilalang."

Alin ang kalooban ng Diyos?  Ang salita ng katotohanan o ang mga salita ng Diyos.  Ito ang nanganak sa mga nagsitanggap kay  Cristo na nagsisampalataya sa  Kaniyang pangalan.  Sa I Pedro 1:23, ay sinasabi pa ang ganito:

"Yamang ipinanganak kayong muli, hindi sa binhing nasisira, kundi sa walang kasiraan, sa pamamagitan ng salita ng Dios na nabubuhay at namamalagi. "

Ano ang ikakikilala sa nga tumanggap kay Cristo na ipinanganak ng mga salita ng Diyos?  Sa Roma 6:6, ay ganito naman ang sinasabi:

"Na nalalaman natin, na ang ating datihang pagkatao ay kalakip niyang napako sa krus, upang ang katawang salarin ay magiba, at nang sa gayo'y huwag na tayong maalipin pa ng kasalanan; "

Ang kanilang datihang pagkatao’y  kalakip ni Cristong napako sa  krus, kaya’t sila’y hindi na alipin ng kasalanan.  Alin ba itong datihang pagkatao ng mga tumanggap kay Cristo na kalakip Niyang  napako sa krus?  Sa Efeso 4:22, ay ganito ang sinasabi:

"At inyong iwan, tungkol sa paraan ng inyong pamumuhay na nakaraan, ang dating pagkatao, na sumama ng sumama ayon sa mga kahalayan ng pagdaraya;   "

Alin ang dating pagkatao?  Ang nakaraang pamumuhay na sumama nang sumama ayon sa kahalayan ng pagdaraya.  Alin-alin ang ilan sa mga ito?  Sa Colosas 3:7-9, ay ganito naman ang sinasabi:

"Na inyo ring nilakaran nang una, nang kayo'y nangabubuhay pa sa mga bagay na ito;"

 "Datapuwa't ngayon ay inyo namang layuan ang lahat ng mga ito: galit, kapootan, paghihinala, panunungayaw, mga salitang kahalay-halay na mula sa inyong bibig:"

 "Huwag kayong mangagbubulaan sa isa't isa; yamang hinubad na ninyo ang datihang pagkatao pati ng kaniyang mga gawa "

Ano ang datihang pagkatao ng mga pumasok kay Cristo?  Ang nakaraang pamumuhay noong una (noong sila’y hindi pa sangkap ng  katawan o Iglesia ni Cristo),  samakatuwid baga’y ang iba’t ibang gawang masama na labag sa kalooban ng Diyos.  Ang mga ito ay napako na sa krus na kalakip ni Cristo.  At sapagkat namatay na itong datihang pagkatao dahil sa pagkapako sa krus,  kaya’t sila’y inilibing nang sila’y bautismuhan ng bautismo sa kamatayan, gaya ng mababasa natin sa Roma 6:3-4, na ganito:

"O hindi baga ninyo nalalaman na tayong lahat na mga nabautismuhan kay Cristo Jesus ay nangabautismuhan sa kaniyang kamatayan?"

 "Tayo nga'y nangalibing na kalakip niya sa pamamagitan ng bautismo sa kamatayan: na kung paanong si Cristo ay nabuhay na maguli sa mga patay sa pamamagitan ng kaluwalhatian ng Ama, ay gayon din naman tayo'y makalalakad sa panibagong buhay.  "

Alin itong panibagong buhay na dapat lakaran ng mga binautismuhan kay Cristo?  Sa Galacia 3:27, ay sinasabi ang ganito:

"Sapagka't ang lahat na sa inyo ay binautismuhan kay Cristo ay ibinihis si Cristo.  "

Alin itong panibagong buhay na dapat lakaran?  Dapat ibihis si Cristo. Paano maibibihis si Cristo?  Sa Galacia 2:20, ay ganito naman ang sinasabi:

"Ako'y napako sa krus na kasama ni Cristo; at hindi na ako ang nabubuhay, kundi si Cristo ang nabubuhay sa akin: at ang buhay na ikinabubuhay ko ngayon sa laman ay ikinabubuhay ko sa pananampalataya, ang pananampalataya na ito'y sa Anak ng Dios, na sa akin ay umibig, at ibinigay ang kaniyang sarili dahil sa akin."  

Ano ang katunayang nakabihis si Cristo sa isang taong nabautismuhan ng bautismo sa kamatayan?  Nabubuhay na sa  pananampalataya.  Ano na ang kalagayan ng mga tunay na kay Cristo?  Sa II Corinto 5:17, ay ganito ang paglalarawan:

"Kaya't kung ang sinoman ay na kay Cristo, siya'y bagong nilalang: ang mga dating bagay ay nagsilipas na; narito, sila'y pawang naging mga bago."

Ano ang kalagayan ng mga kay Cristo?  Sila’y mga bagong nilalang.  Ang mga dating bagay ay lumipas na.  Sila’y pawang naging mga bago.  Ito ang dapat maging kalagayan ng lahat ng mga nagsipasok kay Cristo.  Ito ang katunayang sila’y ipinanganak ng salita  ng Diyos.  Ito ang pagpasok kay Cristo na ikaliligtas.*****