Debate INC vs SDA Mindoro

Ayon sa isang kaibigan po natin na nakasaksi na taga-DZEM Nuong February 10, 2015 sa dako ng Bansud Plaza, Oriental Mindoro na kung saan pinagtibay na isagawa ang Debate sapagkat sa dakong iyan maraming mga SDA o Seventh-Day Adventist Church.

Pasado alas dos ng hapon nagsimula ang debate at natapos ng 9:30pm. Ganun kahaba ang naging talakayan. Tatlong tindigan pero sa unang tindig pa lang ay hindi nagiba yung pundasyon ng Iglesia ni Cristo.

UNANG PAKSA: Patutunayan namin na ang Iglesia ni Cristo ang siyang itinatag ni Cristo at maliligtas sa araw ng paghuhukom ayon sa Biblia at makagagamit ng mga referencia.

Hindi nila nauga o naibuwal ang pundasyon na ating sinasampalatayanan sapagkat nakasulat sa Biblia ang pundasyon ng Iglesia ni Cristo;

Mateo 16:18 Si Cristo ang nagtayo ng Kaniyang Iglesia
Roma 16:16 Iglesia ni Cristo ang Pangalan
Gawa 20:28 ang kawan ay yung Iglesia ni Cristo ang tinubos ng dugo ni Cristo
Colosas 1:18 si Cristo ang ulo ng katawan o Iglesia
Efeso 5:23 si Cristo ang tagapagligtas ng katawan o Iglesia.

Nagpaikot-ikot sa kalagayan ni Cristo yung tagapagsalita ng SDA at nawala na sa tema o paksa.

Kinabukasan nakuha ang ulat na maraming nagpatala na magpapaduktrina at nais umanib sa INC hindi lamang mga kababayan natin SDA kundi nasa iba’t ibang pangkatin ng Relihiyon na nakasaksi sa debate pong iyon.

Totoong natupad at patuloy na tinutupad ng Diyos ang kaniyang pangako.

Isaias 41:11-13  11Narito, silang lahat na nangagagalit sa iyo ay mangapapahiya at mangalilito: silang nangakikipaglaban sa iyo ay papanaw at mangapapahamak.

12Iyong hahanapin sila, at hindi mo mangasusumpungan, sa makatuwid baga'y silang nangakikipaglaban sa iyo: silang nakikipagdigma laban sa iyo ay papanaw, at gaya ng bagay ng wala.

13Sapagka't akong Panginoon mong Dios, ay hahawak ng iyong kanang kamay, na magsasabi sa iyo, Huwag kang matakot; aking tutulungan ka.

Ang kapurihan ay sa ating Panginoong Diyos!