Pananampalataya Lamang?

May mga pangkatin ng relihiyon na ang kanilang ipinapakilalang paraan ng kaligtasan ay ang sumampalataya lang kay Cristo at tanggapin siya bilang pansariling tagapagligtas ay sapat na para maligtas. Hindi na ayon sa kanila na kailangan ng anumang relihiyon para maligtas. Huwag po na ipagkamali ng iba na mali ang magtaglay pananampalataya, bagkus ito ay kailangan ng isang tao para sa kaniyang kaligtasan, ngunit ang nililinaw natin ay ang pagtuturo ng iba na sapat na ang sumampalataya lamang,.totoo kaya ito?

Sapat nabang sumampalataya lang upang maligtas? Ganito ang nakasulat sa Santiago 2:14

“Anong pakikinabangin, mga kapatid ko, kung sinasabi ng sinoman nasiya'y may pananampalataya, nguni't walang mga gawa? makapagliligtas baga sa kaniya ang pana-nampalatayang iyan?”

Ang binasa po natin ay isang tanong na naroon narin ang kasagutan, anu yung tanung ni Apostol Santiago? Makapagliligtas daw ba ang pananampalatayang walang gawa? Samakatwid kailangan ng Gawa sa ating Pananampalataya. Bakit kailangan ng Gawa sa ating pananampalataya? Santiago 2:2

          “Nakikita mo na ang pananampalataya ay gumagawang kalakip ng kaniyang mga gawa, at sa pamamagitan ng mga gawa ay naging sakdal ang pananampalataya;”

Sapamamagitan ng gawa ay nagiging sakdal ang pananampalataya, kailangan sabay ang gawa at pananampalataya. Hindi po sinabing sumampalataya lang ay ligtas na. anu pa ang kahalagahan ng may kalakip na gawa ang ating pananampalataya?

“Nakikita ninyo na sa pamamagitan ng mga gawa'y inaaring ganap ang tao, at hindi sa pamamagitan ng pananampalataya lamang.” Santiago 2:24

Sapamamagitan ng pananampalataya na may kalakip na mga gawa ay inaring ganap ang tao. Hindi sa pananampalataya lamang. Pinagdiinan ni Apostol Santiago na kailangan talaga ang gawa sa ating pananampalataya para maligtas ang tao. Sa pamamagitan ng gawa ay naging ganap ang ating Pananampalataya. Anu pa ang isa sa dapat na ilakip sa pananampalataya? Sa  Filipos 1:29

 “Sapagka't sa inyo'y ipinagkaloob alang-alang kay Cristo, hindi lamang upang manampalataya sa kaniya, kundi upang magtiis din naman alangalang sa kaniya:”

Ayun po nilinaw na hindi lamang upang sumampalataya kailangan nating magtiis alang alang sa kanya o sa Panginoong Jesus. Ito pa ang isang patunay na kailangan magtiis ang tao. Hebreo 10:36

  “Sapagka't kayo'y nangangailangan ng pagtitiis, upang kung inyong magawa ang kalooban ng Dios, ay magsitanggap kayo ng pangako.”

Kaya anu po anga ting mapapansin kailangna talaga ng tao mamuhunan ng Pagtitiis kasabay ng pananampalataya.pag ito ay kasaban nating ginawa ay magsisitangap tayo ng Pangako. Kaya labag s autos ng Diyos ang pagtuturo na sumampalataya lang ay ligtas na, ito ay pinatotohanan din n gating Panginoong Jesus. Basahin natin. Juan 8:31

 “Sinabi nga ni Jesus sa mga Judiong yaon na nagsisisampalataya sa kaniya, Kung kayo'y magsisipanatili sa aking salita, kung magkagayo'y tunay nga kayong mga alagad ko;” (Juan 8:31) 

Anu katumbas sa ibang salin ng Biblia ng binanggit na pananatili sa salita?

“Kung patuloy kayong susunod sa aking aral…”(Juan 8:31, Magandang Balita)

Samakatwid ang mga dapat ilakip ng tao sa kaniyang pananampalataya ay ang PAGTITIIS at MABUBUTING GAWA at PATULOY NA PAGSUNOD. Hindi po ito nakakatulad ng mga itinuturo nila na Pagsampalataya lang. hindi ikaliligtas ang ganun. Alamin natin alin ang gawa na dapat ilakip ng taong sa kaniyang pananampalataya? Ang PAnginoong Jesus ay may ipinaliliwanag ukol dito.

 “Hindi ang bawa't nagsasabi sa akin, Panginoon, Panginoon, ay papasok sa kaharian ng langit; kundi ang gumaganap ng kalooban ng aking Ama na nasa langit.” (Mateo 7:21)

Ang gawa na hinahanap sa mga sumasampalataya ay ang pagganap sa kalooban ng Diyos, anu ang magiging kapalaran ng gumaganap sa kalooban ng Diyos? Siya ang may karapatan na makapasok sa kaharian ng langit o maligtas. Anu ba ang kalooban ng Diyos na dapat sundin ng mga taong sumasampalataya? Basa ganito ang nakasulat sa biblia.

 “Na ipinakikilala niya sa atin ang hiwaga ng kaniyang kalooban, ayon sa kaniyang minagaling na ipinasiya niya sa kaniya rin. Sa pagiging katiwala sa kaganapan ng mga panahon, upang tipunin ang lahat ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko,” (Efeso 1:9-10)

Ang sabi ay Ipinakilala niya sa atin ang hiwaga ng kaniyang kalooban. Na ito ay ayon sa kaniyang minagaling at ipinasya nya. Alin itong kalooban ng Diyos? Tipunin ang lahat ng Bagay kay Cristo. Papaano matitipon kay Cristo ang lahat ng Tao? Ganito sabi ni Apostol Pablo

 “Sapagka't kung paanong sa isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain: Ay gayon din tayo, na marami, ay iisang katawan kay Cristo, at mga sangkap na samasama sa isa't isa.” (Roma 12:4-5)

Ang mga natipon kay Cristo ay sama samang sangkap ng iisang katawan. Sabi ni Apostol Pablo “IISANG KATAWAN KAY CRISTO” alin ang katawan na binabangit?  Ang Iglesia po ang katawan

“At siya ang ulo ng katawan, sama-katuwid baga’y ng Iglesia…” (Colosas 1:18)

Anu tawag ng mga Apostol sa katawan o Iglesia na ang Pangulo o “ULO nito ay si Cristo?

Ang iglesiang ito ay tinatawag na Iglesia ni Cristo:

“Mangagbatian kayo ng banal na halik.  Binabati kayo ng lahat ng mga iglesia ni Cristo.” (Roma 16:16)

Samakatwid, kailangan maging sangkap ng Katawan ni Cristo o kailangan na maging kaanib sa IGLESIA NI CRISTO para ang tao ay maligtas. Ito ay Gawa na gapat ilakip sa pananampalataya, mali kung gayon ang sinasabi ng iba na sumampalataya lang ay ligtas na. sundin ang kalooban ng Diyos matipon ang lahat sa Katawan O Iglesia. Sabi natin kanina kailangan ng Gawa at Pagtitiis sa pananampalataya upang ikaligtas. Alin alin ba ang dapat nating tiisin ng mga sumasampalataya?

“Na pinatitibay ang mga kaluluwa ng mga alagad, at inaaralan sila na magsipanatili sa pananampalataya, at sa pamamagitan ng maraming mga kapighatian ay kinakailangang magsipasok tayo sa kaharian ng Dios.” (Gawa 14:22)

 “Ano pa't kami sa aming sarili ay nangagkakapuri sa inyo sa mga iglesia ng Dios dahil sa inyong pagtitiis at pana-nampalataya sa lahat ng mga paguusig sa inyo at sa mga kapighatiang inyong tinitiis;   Na isang tan-dang hayag ng matuwid na paghukom ng Dios; upang kayo'y ariing karapatdapat sa kaharian ng Dios, na dahil dito'y na-ngagbabata rin naman kayo: (2 Tessalonica 1:4-5)

Kailangan tiisin ng mga sumasampalataya ang mga pag uusig at kapighatiang nararanasan, kahit napakaraming pagsubok, dumarating ang tukso sa buhay, mga suliraning minsan ay hindi na makayang dalhin, mga magulang na lalos hirap at walang maibigay sa mga hiling ng mga anak, mga nagkakasakit at walang maipangpagamot. Lahat ng iyan ay mga pagsubok, mga pag uusig, hinahamak dahil sa pangalan ni Cristo dapat nating tiisin ang mga ito. Hanggang kalian dapat magtiis ang tunay na sumasampalataya para maligtas?

“Ngunit ang manatiling tapat hanggang wakas ay siyang maliligtas,” (Mateo 24:13, MB)

Kapag tayo ay nagtiis hanggang wakas namamalaging nasa IGLESIA NI CRISTO, alin man ang mauna. Wakas ng buhay natin o araw ng pag huhukom ay tiyak na maliligtas at makakarating sa maluwalhating tahanan na ipinangako ng Diyos. Hindi madali sa isipan ng iba ngunit ito ang ating ilulungati na matapos natin an gating takbuhin nasa pagsunod sa kalooban ng Diyos. Kapag inalis ng isang kaanib sa Iglesia ni Cristo ang Pagtitiis at pati ang mga mabubuting gawa na dapat ilakip sa pananampalataya ay mawawalan ng kabuluhan ang ating pagpapagal. Ngunit kung patuloy tayo at hindi nanlupaypay ay maliwanag ang nakasulat sa biblia na dapat nating panghawakan.

“Mga kapatid yamang kayo’y tinawag at hinirang ng Diyos, magpakatatag kayo sa kalagayang ito upang huwag kayong manlupaypay.  Sa ganitong paraan, kayo’y maluwag na papapasukin sa walang hanggang kaharian ng ating Panginoon at Tagapagligtas na si Jesu-Cristo.”  (2 Pedro 1:10-11, MB)  

Ang Ibong Mandaragit

Tayong mga kaanib sa Iglesia ni Cristo ay lubos na sumasampalataya sa mga aral ng Diyos na naka sulat sa biblia. Ang kapatid na Felix Manalo ang kanyang pinili upang ipaunawa sa atin ang mga katotohanang ito. Siya ang isinugo ng Diyos sa mga huling araw. Sa mga naka raang leksion na nating natalakay ay pinatunayan natin na sa Kapatid na Felix Manalo natupad ang mga hula. Ngayon ay isang paunang pahayag o hula nanaman ang ating papatunayan. Ang ukol sa IBONG MANDARAGIT na binabangit sa Isaias 46:11. Basahin po ninyong maigi at unawain kung papaano natupad ang hulang ito kay kapatid na Felix Manalo. Sipiin natin ang nasabing talata.         

Isaias 46:11  “Na tumatawag ng IBONG MANGDARAGIT mula sa silanganan, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking, pinanukala, akin namang gagawin.”

Ayon sa talatang ating nabasa ay may binabanggit na IBONG MANDARAGIT, literal bang ibon ang binabanggit? Hindi po, sapagkat ang sabi ay “Taong gumagawa ng aking payo” alin ba yung payo ng Diyos? Ito po ay ang kaniyang mga salita. Samakatwid mangangaral o magtuturo ng mga salita ng Diyos ang tinatawag na ibong mandaragit. Saan magmumula ang taong gumagawa ng payo ng Diyos? Mula sa malayong lupain.

Alamin muna natin ngayon alin ba ang katumbas ng Pagdagit na siyang magiging gawain ng Sugong hinuhulaan? Ganito ang ating mababasa

                                      
Judas 1:23 “AT ANG IBA'Y INYONG ILIGTAS, NA AGAWIN NINYO SA APOY; at ang iba'y inyong kahabagan na may takot; na inyong kapootan pati ng damit na nadungisan ng laman.”

Ang PAGDAGIT ay ANG PAG-AGAW SA APOY, na ang apoy na tinutukoy ay ang apoy ng impiyerno. Samakatuwid dadagitin o aagawin ng sugong ito ang mga tao upang sila’y maligtas at hindi upang mapahamak. Kaya mali ang isipan ng iba na lumalarawan sa mabangis na hayop ang binabanggit na ibong mandaragit.

Saan magmumula ang mga tao na daragitin o aagawin ng Taong inihalintulad sa Ibong mandaragit? Basahin natin ang kaugnay na hula?

Isaias 43:5 “Huwag kang matakot, sapagka't ako'y sumasaiyo: aking dadalhin ang iyong lahi mula sa silanganan, at pipisanin kita mula sa kanluran; Aking sasabihin sa HILAGAAN, Bayaan mo, at sa TIMUGAN, Huwag mong pigilin; dalhin mo rito ang aking mga anak na lalake na mula sa malayo, at ang aking mga anak na babae na mula sa mga wakas ng lupa;”

ang sabi ng Diyos ay “kaniyang mga anak na lalake na mula sa malayo at kaniyang mga anak na babae na mula sa mga wakas ng lupa”. Samakatwid ay mula sa malayo at mga wakas ng lupa. Doon manggaling ang mga taong daragitin ng Sugo na inihalintulad sa ibong mandaragit. Ngunit anu ang ating mapapansin sa hulang ito? May pipigil sa mga daragitin o aagawin ng Sugo. Sino ang pipigil? Ang timugan at Hilagaan. Kaya bang pigilin ng Timugan at Hilagaan ang gawaing ibinigay sa Sugo? Hindi po.. anu katunayan? Ang sabi ng Diyos “Aking sasabihin sa HILAGAAN, Bayaan mo, at sa TIMUGAN, Huwag mong pigilin;”

Sino ang Hilagaan at Timugan na pipigil sa mga anak ng Diyos na binabanggit sa hula? Ganito ang ating mababasa

"... IN THE NORTH THE PROTESTANTS WERE IN CONTROL--Lutheran churches in Sweden, Norway, Denmark, Iceland, the northern and central states of Germany; Calvinist or Reformed churches in Scotland, the Netherlands, Hesse, the Palatinate, and a few of the western German states. IN THE SOUTH THE CATHOLICS WERE IN CONTROL - Spain, Italy, Austria, Bavaria, and elsewhere in southern Germany." (The Reformation by Owen Chadwick p. 366)

Sa Filipino:

“…SA HILAGAAN ANG MGA PROTESTANTE ANG NAMAMAYANI – Iglesia Luterana sa Sweden, Norway, Denmark, Iceland, sa hilagaan at gitnang estado ng Alemaniya; Kalbinismo o ang Reformadong Iglesia sa Scotland, ang Netherlands, Hesse, ang Palatine, at mangilan-ngilan sa mga estadong kanluranin ng Alemaniya. SA TIMUGAN ANG MGA KATOLIKO ANG NAMAMAYANI – Espanya, Italiya, Austria, Bavaria at saanman sa timugang Alemaniya.”

Ang tinatanung natin ay kung sino sino ang Hilagaan at timugan na pipigil sa mga anak ng Diyos na binabanggit sa hula? Ang Hilagaan ay ang mga Protestante at sa Timugan ay Katolisismo. Mula sa malalaking relihiyon na ito aagawin ng Sugo ang mga anak ng Diyos na lalake at babae para maligtas sa tiyak na kapahamakan. Ang kapatid na Felix Manalo ang ating sinasampalatayanan na kinatuparan ng hulang ito. Hindi nagtagumpay ang Katolisismo at Protestantismo sa pagpigil sa mga anak ng Diyos. Tayo po ang buhay na saksi at hanggang sa panahon natin ay tuloy tuloy ang katuparan nito. Hindi mapapasubalian ang katotohanan na mula sa Katoliko at Protestante ang mga naagaw ng Sugo para makarating sa tunay na Iglesia na ililigtas ni Cristo.

Ngunit may mga naniniwala o nagtuturo na hindi daw ang Kapatid na Felix Manalo ang kinatuparan ng hulang ito na ibong mandaragit kundi si Haring Ciro ng Persia. Bakit ba tayo nakatitiyak na si kapatid na Felix Manalo nga ang katuparan nito? Saan po ba magmumula ang ibong mandaragit? Basahin uli natin ang nasabing talata.

Isaias. 46:11: “Calling a bird of prey from the EAST, The man who executes My counsel, from a far country. Indeed I have spoken it; I will also bring it to pass. I have purposed it; I will also do it.”

Isaias 46:11  “Na tumatawag ng IBONG MANGDARAGIT mula sa  SILANGANAN, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking, pinanukala, akin namang gagawin.”

Ang lugar po na tinutukoy ay “Malayong Silangan” bakit tayo nakatitiyak na malayong silangan ang tinutukoy na lugar eh East ang pagkakasalin sa wikang English? Sapagkat ang “East”  sa Hebrew term na ginamit sa talata ay “Mizrach” at hindi “Kedem” ito po ang patunay sa Smith’s Bible Dictionary p. 154

"East. The Hebrew term kedem properly means that which is before or in front of a person, and was applied to the east some from the customer of turning in that direction when describing the points......... The term as generally used refers to the lands lying immediately eastward of Palestine,..........;on the other hand MIZRACH IS USED OF THE FAR EAST with a less definite signification. Isa. 42:2, 25; 43:5; 46:11"

Gayundin, kung atin pang susuriin, binanggit sa talata na ang “east” na tinutukoy ay “far away country.” Kaya po, makatwiran na ang lugar ay tumutukoy sa “far east.” Ang Pilipinas ay bansa na nasa malayong silangan; ang Persia o Iran (bansa ni Cyrus the Great) ay wala po sa malayong silangan. Kaya hindi maaring si Cyrus ang katuparan ng hinuhulaan sa Isaias.

Anu po ang iminamatuwid at dinidepensa ng iba na pilit na sinasabi na si Cyrus ang katuparan sa hulang ito? Gumagamit sila ng talata at doon ay maliwanag na nakasulat ang pangalan ni Haring Cyrus. Sipiin natin ang mga talata.

Isaias 44:28  “Na nagsasabi tungkol kay CIRO, Siya'y aking pastor, at isasagawa ang lahat kong kaligayahan: na nagsasabi nga rin tungkol sa Jerusalem, Siya'y matatayo; at sa templo, Ang iyong patibayan ay malalagay.”

Isaias 45:1, 4  “Ganito ang sabi ng Panginoon sa kaniyang pinahiran ng langis, kay CIRO, na ang kanang kamay ay aking hinawakan, upang magpasuko ng mga bansa sa harap niya; at aking kakalagan ang mga balakang ng mga hari; upang magbukas ng mga pintuan sa unahan niya, at ang mga pintuang-bayan ay hindi masasarhan;… Dahil sa Jacob na aking lingkod, at sa Israel na aking pinili tinawag kita sa iyong pangalan: aking pinamagatan ka, bagaman hindi mo nakilala ako.”

Dahil sa binanggit sa Isaias 44 at 45 ang pangalan ni Ciro ay idinugtong na nila ang nasa Isaias 46 at nagkaroon ng sariling pagkaunawa na si Ciro ang katuparan ng Ibong Mandaragit na tinutukoy sa ISaias 46:11. Totoo kaya ito? Dapat nating maunawaan na ang hinulaan ay siyang magpapatotoo sa hula sa kanya. Siya mismo ang magbabangit nito. Sinu sino po ang nagpa totoo sa kaniyang sarili na ang katuparan ng Hulang ay natupad sa kanya? Si Juan Bautista, Apostol Pablo at ang ating PAnginoong Jesus. Isa isahin natin ang patotoo nila.

SI JUAN BAUTISTA:

Isaias 40:3 “ANG TINIG NG ISANG SUMISIGAW, IHANDA NINYO SA ILANG ANG DAAN NG PANGINOON PANTAYIN NINYO SA ILANG ANG LANSANGAN PARA SA ATING DIOS.”

Hinulaan na naka tala sa Isaias ukol sa “Isang Tinig na Sumisigaw sa ilang na nagsasabing ihanda ninyo ng Panginoon” ang hulang ito ay nasulat sa Isaias bago pa ipanganak si Juan Bautista at makalipas ang daang taon ay natupad ito. Siya mismo ang nagsabi. Juan 1:19-23 

Juan 1:19-23 “At ito ang PATOTOO NI JUAN, nang suguin sa kaniya ng mga Judio mula sa Jerusalem ang mga saserdote at mga Levita upang sa kaniya'y itanong, Sino ka baga? At kaniyang ipinahayag, at hindi ikinaila; at kaniyang ipinahayag, Hindi ako ang Cristo. At sa kaniya'y kanilang itinanong, Kung gayo'y ano nga? Ikaw baga'y si Elias? At sinabi niya, Hindi ako. Ikaw baga ang propeta? At siya'y sumagot, Hindi. Sinabi nga nila sa kaniya, Sino ka baga? Upang ibigay namin ang kasagutan sa nangagsugo sa amin. Ano ang sinasabi mo tungkol sa iyong sarili? Sinabi niya, AKO ANG TINIG NG ISANG HUMIHIYAW SA ILANG, TUWIRIN NINYO ANG DAAN NG PANGINOON, GAYA NG SINABI NG PROPETA ISAIAS.”

SI APOSTOL PABLO:

May patotoo ng hula din kay Apostol Pablo bago pa siya ipanganak ay nasulat din sa aklat ng Isaias. Basahin natin

Isaias 49:6 “Oo, kaniyang sinasabi, Totoong magaan ang bagay na ikaw ay naging aking lingkod upang ibangon ang mga lipi ng Jacob, at isauli ang iningatan ng Israel, IKAW AY AKING IBIBIGAY NA PINAKAILAW SA MGA GENTIL UPANG IKAW AY MAGING AKING KALIGTASAN HANGGANG SA WAKAS NG LUPA.”

Natupad din ang hulang ito ng Diyos kay Apostol Pablo makalipas ang napaka raming taon at siya din mismo ang nagpatotoo katulad ni Juan Bautista.

Gawa 13:46-47 “At NAGSIPAGSALITA NG BUONG KATAPANGAN SI PABLO at si Bernabe, at nagsipagsabi, Kinakailangang salitain muna ang salita ng Dios sa inyo. Yamang inyong itinatakuwil, at hinahatulan ninyong hindi kayo karapatdapat sa walang hanggang buhay, narito, kami ay pasasa mga Gentil.  Sapagka't ganito ang ipinagutos sa amin ng Panginoon, na sinasabi, INILAGAY KITANG ISANG ILAW NG MGA GENTIL, UPANG IKAW AY MAGING SA IKALILIGTAS HANGGANG SA KAHULIHULIHANG HANGGANAN NG LUPA.”  

AT ANG ATING PANGINOONG JESUCRISTO:

Katulad din ng ibang mga sugo ng Diyos, ang ating Panginoong Jesu-Cristo na siyang pinakadakilang sugo (Filipos 2:9) ay may hula rin na tumutukoy sa kaniya na nagpapatunay at kahayagan ng kaniyang karapatan bilang tunay na sugo, bago ang kaniyang paglitaw o ang kaniyang pagsilang sa sanglibutan.  Narito ang hula na tumutukoy sa kaniya:

Isaias 61:1-2 “ANG ESPIRITU NG PANGINOONG DIOS AY SUMASA AKIN; SAPAGKA'T PINAHIRAN AKO NG PANGINOON UPANG IPANGARAL ANG MABUBUTING BALITA SA MGA MAAMO; KANIYANG SINUGO AKO UPANG MAGPAGALING NG MGA BAGBAG NA PUSO, UPANG MAGTANYAG NG KALAYAAN SA MGA BIHAG, AT MAGBUKAS NG BILANGGUAN SA NANGABIBILANGGO; UPANG MAGTANYAG NG KALUGODLUGOD NA TAON NG PANGINOON, AT NG KAARAWAN NG PANGHIHIGANTI NG ATING DIOS; UPANG ALIWIN YAONG LAHAT NA NAGSISITANGIS;”

Na katulad din ng mga una nating halimbawa, dumating ang panahon na ipinaliwanag din ni Jesus na siya ang kinatuparan ng hulang ito:

Lucas 4:16-21 “At siya'y napasa Nazaret na kaniyang nilakhan: at ayon sa kaniyang kaugalian, siya'y pumasok sa sinagoga nang araw ng sabbath, at nagtindig upang bumasa. AT IBINIGAY SA KANIYA ANG AKLAT NG PROPETA ISAIAS. AT BINUKLAT NIYA ANG AKLAT, NA NASUMPUNGAN NIYA ANG DAKONG KINASUSULATAN, SUMASA AKIN ANG ESPIRITU NG PANGINOON, SAPAGKA'T AKO'Y PINAHIRAN NIYA UPANG IPANGARAL ANG MABUBUTING BALITA SA MGA DUKHA: AKO'Y SINUGO NIYA UPANG ITANYAG SA MGA BIHAG ANG PAGKALIGTAS, AT SA MGA BULAG ANG PAGKAKITA, UPANG BIGYAN NG KALAYAAN ANG NANGAAAPI, UPANG ITANYAG ANG KAAYAAYANG TAON NG PANGINOON. At binalumbon niya ang aklat, at isinauli sa naglilingkod, at naupo: at ang mga mata ng lahat ng nangasa sinagoga ay nangakatitig sa kaniya. AT SIYA'Y NAGPASIMULANG MAGSABI SA KANILA, NGAYO'Y NAGANAP ANG KASULATANG ITO SA INYONG MGA PAKINIG.”

Sadyang napaka hiwaga ng Diyos sa kanyang mga salita lalo na sa mga paunang pahayag o hula, sapagkat hindi niya binabanggit ang pangalan ng kaniyang hinuhulaan, anu po ang magpapatotoo sa hinuhulaan? Ang gampanin na gagawin ng Sugo, ang kanilang paglitaw at sila mismo ang magpapatotoo ng hulang pinatutungkol sa kanila. Kaya kung hindi mapapatotohanan ni Ciro na siya ang Ibong mandaragit ay nag aaksaya lamang ng panahon ang mga naniniwala at nagtuturo ukol dito. Hindi po maaaring ibang tao ang magpakilala o magsabi tungkol sa patotoo kay Ciro.

 Pag aralan natin kung bakit binaggit ang pangalan ni Ciro sa ISAIAS 44:28 at 45:1,4 na sinasabi ng iba na ang pagkakabanggit na ito ay siyang katuparan ng Hula. Anu po ba ang gampanin ni Ciro na ipinag uutos sa kanya? Katulad ba ng sa ibong Mandaragit na hinulaan sa Isaias 46:11? Basahin natin ang naka sulat sa hula ng ISaias

Isaias 44:28  “Na nagsasabi tungkol kay CIRO, Siya'y aking pastor, at isasagawa ang lahat kong kaligayahan: NA NAGSASABI NGA RIN TUNGKOL SA JERUSALEM, SIYA'Y MATATAYO; AT SA TEMPLO, ANG IYONG PATIBAYAN AY MALALAGAY.”

Isaias 45:1, 4  “GANITO ANG SABI NG PANGINOON SA KANIYANG PINAHIRAN NG LANGIS, KAY CIRO, NA ANG KANANG KAMAY AY AKING HINAWAKAN, UPANG MAGPASUKO NG MGA BANSA SA HARAP NIYA; at aking kakalagan ang mga balakang ng mga hari; upang magbukas ng mga pintuan sa unahan niya, at ang mga pintuang-bayan ay hindi masasarhan;… Dahil sa Jacob na aking lingkod, at sa Israel na aking pinili tinawag kita sa iyong pangalan: aking pinamagatan ka, bagaman hindi mo nakilala ako.”

Makikita sa mga talatang iyan na si Ciro, hari ng Persia ay inatasan ng Diyos sa isang tanging gampanin na:

“SA JERUSALEM, SIYA'Y MATATAYO; AT SA TEMPLO, ANG IYONG PATIBAYAN AY MALALAGAY.”

Upang magtayo ng Templo o Bahay ng Diyos sa Jerusalem, at:

“UPANG MAGPASUKO NG MGA BANSA SA HARAP NIYA.”

Maliwanag po ang kaniyang Misyon:

MAGTATAYO NG TEMPLO SA JERUSALEM at MAGPAPASUKO NG MGA BANSA

At ito ay pinatotohanan ni Haring CIRO na ipinagutos ng Diyos sa kaniya:

2 Cronica 36:23  “GANITO ANG SABI NI CIRO NA HARI SA PERSIA: LAHAT NG KAHARIAN SA LUPA AY IBINIGAY SA AKIN NG PANGINOON, NG DIOS NG LANGIT; AT KANIYANG BINILINAN AKO NA IPAGTAYO SIYA NG ISANG BAHAY SA JERUSALEM, NA NASA JUDA. Sinomang mayroon sa inyo sa buong kaniyang bayan, sumakaniya nawa ang Panginoon niyang Dios, at umahon siya.”

Pinatinayan po ni Ciro ang tungkuling binigay sa Kanya ng Diyos. Iba sa gampanin ng Ibong Mandaragit.  Ang hulang ito ay pinatotohanan mismo ni Ciro. Ngunit ukol sa Pagiging ibong mandaragit ay hindi maipaliwanag o hindi mapatotohanan ni Ciro sapagkat hindi siya ang hinulaan ukol dito. Ibang tao ang nagpapatooo sa kanya at ito ay kakaiba sa paraan ng pagpapahayag sa hula ng Diyos. Baket ba hindi maunawaan ng marami ang aklat ng Isaias? Sapagkat ito po ay hula ng Diyos. Sino lang ba ang makakapag paliwanag sa mga hula ng Diyos? Basahin natin Gawa 8:27-31 

Gawa 8:27-31  “At siya'y nagtindig at yumaon: at narito, ang isang lalaking taga Etiopia, isang bating na may dakilang kapamahalaan na sakop ni Candace, reina ng mga Etiope, na siyang namamahala ng lahat niyang kayamanan, at siya'y naparoon sa Jerusalem upang sumamba; At siya'y pabalik at nakaupo sa kaniyang karo, at BINABASA ANG PROPETA ISAIAS. At sinabi kay Felipe ng Espiritu, Lumapit ka, at makisama sa karong ito. AT TUMAKBO SI FELIPENG PATUNGO SA KANIYA, AT NAPAKINGGAN NIYANG BINABASA SI ISAIAS NA PROPETA, AT SINABI, NAUUNAWA MO BAGA ANG BINABASA MO? At sinabi niya, PAANONG MAGAGAWA KO, MALIBAN NANG MAY PUMATNUBAY SA AKING SINOMAN? AT PINAKIUSAPAN NIYA SI FELIPE NA PUMANHIK AT MAUPONG KASAMA NIYA.

Ang tunay na Sugo lamang ang makakapag paliwanag ng mga hula sa Biblia tulad ng naka sulat sa ISaias. Si Felipe ang isa sa mga sinugo ng Diyos na nakapag paliwanag ukol ditto.

Kaya ang mga nagtuturo at nagpapaliwanag sa mga hula ng Diyos ay maliligaw lang. kahit patunayan nila ay lalabas parin ang katotohanan ng kanilang kamalian. Sapagkat hindi kailanman maipakilala ni Ciro na siya ang Ibong Mandaragit sa Isa. 46:11. Hindi dapat paniwalaan ang kanilang pagtuturo ukol dito. Imbes na ikaligtas ay makapagdadala pa sa kaparusahan.

December 25 Birthday of the Sun

Ang mga Katoliko at ibat ibang sektang Protestante ay naniniwala na ang December 25 ay ang araw ng kapanganakan ng ating Panginoong Jesucristo ang petsang ito ay kanilang pinag hahandaan at ipinagdiriwang. Huwag po ipagkamali ng iba na masamang ipagdiwang ang kaarawan ng ating Panginoong Jesus. Sa biblia ay may ganitong binabanggit Lucas 2:13-14

At biglang nakisama sa anghel ang isang karamihang hukbo ng langit, na nangagpupuri sa Dios, at nangagsasabi: Luwalhati sa Dios sa kataastaasan, At sa lupa'y kapayapaan sa mga taong kinalulugdan niya. 

Nagpuri sa Diyos ang karamihang hukbo ng langit ng kaniyang araw ng kapanganakan. Kaya walang masama kung ipagdiwang natin ito. Ngunit ang ukol sa petsa ng kaniyang kapanganakan ay walang binabangit ang biblia. Ang December 25 ay hindi pinatutunayan ng biblia na araw ng kapanganakan ng ating Panginoong Jesus. Ngayon ang tanong ay Paano natin ipagdiriwang ang kanyang kapanganakan kung walang binabanggit sa biblia ukol sa araw na ito? Ang iba ay sinasabing ang pagdiriwang sa December 25 ay ang paraan ng pag alala sa kaniya. Tama kaya ito? Sang ayon ba ang Iglesia Katolika na hindi mababasa sa biblia ang petsa ng kapanganakan ng ating Panginoong Jesus? Sa Catholic Encyclopedia ay ganito ang mababasa sa Vol. III page 726

“Pinagmulan ng Petsa- Tungkol sa petsa ng kapangaakan ni Cristo ang mga ebanghelyo ay walang maitutulong”

Sinang-ayunan din ito ng Collier's Encyclopedia:

"Hindi maaring matiyak ang tamang petsa ng kapanganakan ni Cristo, maging mula sa mga katibayan ng mga ebangelyo, o mula sa anumang mabuting tradisyon." (Vol. VI page 403)

Sa isang Aklat-Katoliko naman ay malinaw na sinasabing ang tunay na petsa ng kapangankan ni Jesus ay hindi nalalaman.

"Dati ang Pasko ay ipinagdiriwang nan Enero 6, ngunit sa pasimula ng ikaapat na siglo, binago ni Papa Julio 1 ang petsa at ginawa ito na Disyembre 25, yamang ang tunay na petsa ay di nalalaman." (The Handbook of Catholic Practices page 176)

Maliwanag po sa aklat na ito na hindi nila nalalaman ang tunay na kapanganakan ng ating Panginoong Jesus. Una ay Enero 6 at ito po ay binago at naging December 25. Nagpabago bago sila ng petsa ukol sa kapanganakan ni Jesus? Ito pa ang isang maliwanag na patotoo sa isang aklat.

"Ang pagkakakasunod-sunod sa panahon ng mga pangyayari sa buhay ni Cristo ay lubos na nabaon sa kawalan ng katyakan hindi lamang ang mismong mga pangyaari kundi gayundin ang kaugnayan nito sa kapanahong kasaysayan. Hindi tayo ganap na nakatitiyak sa araw o taon ng kaniyang kapanganakan o kung kailan siya nagsimula na niyang hayag na pamumuhay o kaya'y kung gaano katagal ito nanatili o ang araw o taon ng kaniyang kamatayan." (The mystery of Christimas pp. 14-15)

sa ibat ibang aklat na ating nabasa ay tiniyak na walang patunay sa araw ng kapanganakan ng ating Panginoong Jesus. Ang mga paring katoliko mismo ang  nagpapatotoo ukol sa paniniwalang ito. Saan ba nila hingango ang aral nila na December 25 ang araw ng kapanganakan ni Jesus? Basa uli tayo ng isang aklat.

"Ang pagsasa-Cristiano (Christianization) ng pagsamba sa diyos-ng-araw (sun-god) ang lumikha ng Pasko....Ginawa ni Aurelian (270-5) ang ika 25 ng Disyembre, ang araw ng kapanganakan ng diyos-ng-araw, na isang pagdiriwang ng Imperyo. Pagkatapos ng tagumpay ng Iglesia, Ito ay ginawang araw ng kapanganakan ng tunay na araw, bilang Pasko." (Early Christian Art pp 99-100)

Hinango nila ang aral ukol sa paniniwalang Pagano.. ang mga sumasamba sa ibang Diyos. Ayon mismo sa aklat na ating nabasa Ginawa ni Aurelian ang December 25 ay araw ng kapanganakan ng diyos ng araw. Bakit po nila pinili ang December 25?

"....ang pagkakapili sa ika 25 ng Disyembre ay udyok ng katotohanang ang mga Romano, mula sa panahon ng emperador na si Aurelian (275), ay nagdiwang ng kapistahan ng diyos ng araw ( Sol Invictus: ang Hindi mapananaigang Araw) sa araw na iyon. Ang ika 25 ng Disyembre ay tinawag na Araw ng kapanganakan ng araw' at idinaos ang dakilang mga paganong pagdiriwang na pangrelihiyon sa buong imperyo ng pananampalatayang Mitrako. Ano ang higit na dapat asahan kundi ang mga Cristiano ay magdiwang ng kaarawan niya na Siyang Ilaw ng Sanlibutan at tunay na anak ng Katarungan sa mismong araw na ito?
(Handbook of Christian Feast angCustoms, pp 59-60)

pasya ng mga paring katoliko noon na maging December 25. Ayon sa aklat na ating nabasa ay “. Ano ang higit na dapat asahan kundi ang mga Cristiano ay magdiwang ng kaarawan niya na Siyang Ilaw ng Sanlibutan at tunay na anak ng Katarungan sa mismong araw na ito?” napaka liwanag na hinango lang nila sa gawaing Pagano ang ukol sa pagdiriwang nila ng December 25 bilang kapanganakan ni Jesus. Ang pagdiriwang nila na ito ay nauukol sa diyos diyusan ng mga pagano na si Mitra.


"Kaya may sapat na katunayan na ang pinagmulan ng Pasko ay matatagpuan sa ginagawa ng mga pagano na pagsamba sa araw, na tulad sa ating nabasa sa ikapitong kabanata, ay humangga sa Roma sa ilalim ni Aurelian noong 374.” (Paganism to Christianity In The Roman empire, pp 251-252)

paano ngayon maliligtas ang may ganitong gawain. Ang lahat ng nauukol sa gawain ng mga pagano ay walang kaligtasan. Ang mga pagdiriwang lang ba ng araw na December 25 ang nakaugnay sa gawaing pagano? Anu pa ang naka ugnay sa gawaing Pagano na sinundan o ginawa ng Iglesia Katolika at ng ibat ibang sektang Protestante.. ito ang ating pag aralan.

Ang mga Gawain sa Pasko ng Galing Din sa Pagano:

Para po maliwanagan ng husto ang ating mga kaibigan na hindi kaanib sa Iglesia ni Cristo ay dagdagan pa natin ang kaalaman ukol gawaing nakaugnay sa pagdiriwang ng Pasko patutunayan natin na ito ay gawaing Pagano din. Anu ba ang isa sa mga gawaing Pagano na nakapaloob sa pagdiriwang nila ng Pasko? Basa sa isang aklat Coliier's Encyclopedia Vol. VI, page 404

“ Itinuturing ng ilang awtoridad na ang Christmas Tree ay isang labi ng pagsamba ng mga pagano sa puno at tinutunton ito sa matandang Roma at Ehipto."
Coliier's Encyclopedia Vol. VI, page 404

Ang Chrismas Tree na inihahanda nila para sa Pasko ay ang labi ng mga Pagano sa pagsamba sa puno. Ang gawaing ito ay itinunton sa matandang Roma at Ehipto sadyang kinopya nila ito sa gawaing Pagano. Gaano naba ito katagal ginagamit sa Ehipto? Ganito ang sinasabi sa isang lathala:

" Maraming siglo bago isinilang si Jesus, ang mga Christmas Tree ay natagpuan sa ilang mga tahanan sa Ehipto. Ang mga yaon ay mga puno ng palma at tinatawag na Baal-Tamar."The Philipines Herald Magazine, December 1966 Page 4

Maraming siglo na bago isilang si Jesus ay natagpuan na ang Chrismas Tree sa ilang mga tahanan sa Ehipto. Kaya sobrang tagal na.. anu ang ating mapapansin. Hindi pa isinisilang si Jesus ay gamit na nila ito. Ngunit sa kasalukuyan ay ginagamit lang ang Chrismas Tree kung dumarating ang December para sa paghahanda nila sa kapanganakan daw ni Jesus. Anu pa ang may kaugnayan sa kaugaliang Pagano maliban sa Chrismas Tree? Basa uli tayo..

" Ang mga kandila sa ilang bahagi ng Inglatera na sinisindihan tuwing bisperas ng Pasko, at ginagamit sa buong panahon ng pagdiriwang, ay sinisindihan din ng mga pagano sa bisperas ng kapistahan ng Diyos ng Babilonya, upang parangalan siya: Sapagkat isa sa mga kakaibang katangian ng pagsamba sa kaniya ang pagkakaroon ng mga sinisindihang kandila sa kaniyang mga dambana.The Two Babylons or tha Papal Worship page 97

Ayon sa aklat na ating sinipi “ ang mga kandila na sinisindihan tuwing bisperas ng pasko at sa buong panahon ng pagdiriwang ay sinisindihan din ng mga PAGANO. Kelan din sinisindihan ito ng mga pagano? Tuwing despiras ng kapistahan ng diyos ng Babilonia. Bakit nagsisindi ng kandila ang mga pagano para sa diyos ng babilonia? Upang parangalan siya. Ang pagsisindi ng kandila ay isang kakaibang katangian na pagsamba nila sa diyos ng babilonia. Hinango nanaman ng mga Paring katoliko ang kaugaliang ito sa mga Pagano..

Ang December 25, Chrismas Tree at kandila na pinapailaw. Kasama na ang mga parol na pinapailaw o ginagawang disenyo sa paghahanda sa pasko ay hindi galling s autos ng Diyos na nasa biblia. Ang lahat ng ito ay nagmula sa gawaig Pagano. Anu ba ang pagpapakilala ng biblia ukol sa mga pagano? Basahin natin ang  Efeso 4:17-18 (salita ng Buhay)

“.. Kaya’t ito ang masasabi ko, sa pangalan ng Panginoon: Huwag na kayong mamuhay na gaya ng mga paganong walang kabuluhan ang mga iniisip at nadirimlan ang kaisipan. Dahil wala silang pagkaunawa at matigas ang kanilang puso, hiwalay sila sa Buhay na mula sa Dios.”

Ang sabi ay : Huwag na kayong mamuhay na gaya ng mga paganong walang kabuluhan ang mga iniisip bakit sinabing walang kabuluhan ang pag iisip? Sapagkat nadirimlan ang kaniang kaisipan. Panu nadimlan ang kanilang kaisipan? Wala silang unawa at matigas ang kanilang puso. Samakatwid ayaw nilang tangapin ang katotohanan. Kaya kahit ituro na mali at labag sa utos ng Diyos ang Pagdiriwang ng Pasko ay hindi nila ito tatanggapin. Kaya sa anu sila hiwalay? Hiwalay sila sa Buhay na mula sa Diyos. Anu an gating mapapansin? Walang pag asa sa kaligtasan ang mga pagano sa araw ng paghuhukom.

Kahit sabihin po ng iba na hindi sila pagano ngunit ginagawa nila ang mga gawaing Pagano ay kasama sila sa mga hindi maliligtas sapagkat hiwalay sa buhay na mula sa Diyos.