Ang Pagliligtas ayon sa Katwiran ng Diyos

May ibat ibang itinuturo ang mga pangakatin ng relihiyon kung ang pag uusapan ay ang ukol sa kaligtasan. Ang iba ay nagsasabing tangapin lang ang ating Panginoong Jesucristo bilang pansariling tagapag ligtas ay maliligtas kana. Ang iba naman ay nagsasabing sumampalataya ka lang at gumawa ng mabuti ay ligtas kana.o ang iba naman ay nanghihikayat na umanib sa kanilang relihiyon para maligtas. Ang iba naman ay nagsasabing hindi na kailangan ang relihiyon para maligtas. Ang ibat ibang paniniwalang ay magliligaw sa tao sa tunay na kaligtasan. Sa ating pag aaral ngayon ay malalaman natin kung anu ang katwiran ng Diyos sa pagliligtas. Mabuting malaman muna natin kung anu ang batas ng Diyos sa taong nagkasala. Ganito ang nakasulat sa

"Hindi papatayin ang mga magulang dahil sa mga anak, ni ang mga anak ay papatayin dahil sa mga magulang; bawa't tao'y papatayin dahil sa kaniyang sariling kasalanan" (Deut. 24:16).

Ano ang batas ng Diyos ukol sa taong nagkasala? Ang sabi sa biblia Hindi papatayin ang mga magulang dahil sa mga anak, ni ang mga anak ay papatayin dahil sa mga magulang. Sino ang papatayin o parurusahan? Ang bawat tao ay papatayin dahil sa sariling kasalanan. Walang karapatan ang ibang tao na panagutan ang kasalanan ng iba labag ito sa kalooban ng Diyos. Kung sino ang nagkasala ay siyang haharap sa kaparusahan o kamatayan na kabayaran ng mga kasalanan.

 Maaaring sabihin ng iba. “Ok lang na magkasala ako sapagkat pag namatay na ako ay bayad na rin ako sa aking mga kasalanan”

Alin ba ang ganap na kabayaran ng kasalanan na siyang kakamtin ng taong nagkasala? sa Apoc 21:8 ay ganito ang maliwanag na sinasabi.

Nguni't sa mga duwag, at sa mga hindi mananampalataya, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at sa lahat na mga sinungaling, ang kanilang bahagi ay sa dagatdagatang nagniningas sa apoy at asupre; na siyang ikalawang kamatayan. Ang ikalawang kamatayan ang binabanggit kabayaran ng kasalanan. Saan ito? Sa dagatdagatang apoy at asupre. Samakatwid hindi maliligtas ang taong nagkasala.

Nagbago ba ang batas na ito ng Diyos sa panahong Cristiano o sa panahon ng ating Panginoong Jesus? Sa Roma 6:23 basahin natin

"Sapagka't ang kabayaran ng kasalanan ay kamatayan; datapuwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin" Hindi nagbago ang batas ng Diyos ukol sa taong nagkasala sa panahong Cristiano, kamatayan o kaparusahan sa dagat dagatang apoy. Samakatwid hindi natatapos ang lahat lahat pagkatapos ng pagkalagot ng hininga. Namamalagi ang katotohanan na haharap sa kaparusahan ang lahat ng tao sapagkat ang lahat ay nagkasala (maliban sa Panginoong Jesus)

"Kaya, kung paano na sa pamamagitan ng isang tao ay pumasok ang kasalanan sa sanglibutan, at ang kamataya'y sa pamamagitan ng kasalanan; at sa ganito'y ang kamatayan ay naranasan ng lahat ng mga tao, sapagka't ang lahat ay nangagkasala" (Roma 5:12).

Anu ngayon ang tinatanong ng maraming mga tao? Papaano na maliligtas ang mga tao? Hindi na ba nagkaroon ng karapatan para maligtas sapagkat ang lahat ay nagkasala maliban sa ating Panginoong Jesus? Ang Diyos po ay nagbigay ng pagkakataon sa Tao para maligtas.

ANO ANG PAGKAKATAON IBINIGAY NG DIYOS UPANG MALIGTAS?

sa Gawa 5:31:

"Siya'y pinadakila ng Dios ng kaniyang kanang kamay upang maging Principe at Tagapagligtas, upang magbigay ng pagsisisi sa Israel, at kapatawaran ng mga kasalanan."

Isinugo ng Diyos ang Ating Panginoong Jesucristo para maging tagapagligtas, sa pamamagitan din niya ay mapapatawad ang mga kasalanang nagawa ng mga tao. Samakatwid sa pamamagitan ng ating Panginoong Jesucristo ang taong nakatakda sa araw ng paghuhukom para maparusahan ay binigyan parin ng Diyos ng pagkakataon para maligtas. Ganito ang pagmamahal ng Diyos sa mga tao, nais din niya ay maligtas.

Ganito naman ang pangangatwiran ng ibang mga tao: “ayos na pala at ibinigay o isinugo ng Diyos si Jesus para maligtas, sasampalataya na ako sa kanya bilang sariling tagapagligtas at hindi ko na kailangan pa ng relihiyon” ang iba ay nag sasabing gagawa nalang ng mabuti para maligtas na. totoo po ba ito?

Anu po ba ang ipinag pauna ng ating Panginoong Jesucristo noong narito pa siya sa lupa? Basahin natin ang Mat 5:17

"Huwag ninyong isiping ako'y naparito upang sirain ang kautusan o ang mga propeta: ako'y naparito hindi upang sirain, kundi upang ganapin"

 Ang sabi ni Jesus “ huwag ninyong isiping akoy naparito upang sirain ang kautusan” anu po ang ating dapat na mapansin? Hindi kailanman sisirain ni Jesus ang lahat ng kautusan kasama ang batas ng Diyos ukol sa taong nagkasala. anu nga uli ito?  "...bawa't tao'y papatayin dahil sa kaniyang sariling kasalanan."

Kaya hindi po maaaring panagutan ni Jesus ang kasalanan ng iba, hindi niya sisirain ang batas ng Diyos sa taong nagkasala. eh baket sinugo si Jesus para maging talapagligtas? Paano ililigtas ni Jesus ang kasalanan ng iba kung hindi niya sisirain ang batas ng Diyos? Basahin po ninyong maigi ang mga susunod na paliwanag.

 Malalabag ng Panginoong Jesucristo ang batas na ito ng Diyos kung pananagutan Niya ang kasalanan ng iba. Kaya, tiyak na mali ang sinasabi ng iba na huwag na lamang gagawa ng masama ay maliligtas na. Sapagkat nagkasala ang tao, hinihingi ng kautusan o batas ng Diyos na ito ay bayaran ng kamatayang hindi lamang pagkalagot ng hininga kundi ng ikalawang kamatayan sa dagat-dagatang apoy. Natitiyak din nating mali ang sinasabi ng iba na sumampalataya lamang sa Panginoong Jesucristo ay maliligtas na, sapagkat, tiniyak ng Panginoong Jesucristo na hindi Niya sisirain ang batas ng Panginoong Diyos sa pagbabayad ng tao sa nagawang kasalanan.

ANG KATUWIRAN SA PAGLILIGTAS

Paano magagawa ng Panginoong Jesucristo ang pagliligtas sa taong nagkasala nang hindi malalabag ang batas ng Diyos? Ang kasagutan ay mababasa natin sa Efeso 2:15:

"Na inalis ang pagkakaalit sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang taong bago, sa ganito'y ginagawa ang kapayapaan."

Ang sabi sa talata “Upang sa dalawa ay lalangin sa kaniyang sarili ang isang taong bago” alin itong dalawa na binabangit ni Apostol Pablo na nilalang ng Panginoong Jesus sa kanyang sarili na isang taong bago? Ipinaliwanag ito ni Apostol Pablo sa

 Col 1:18. "At siya ang ulo ng katawan, sa makatuwid baga'y ng iglesia"

Ayun po napaka liwanag si Cristo ang lumugar na ulo sa katawan niya na Iglesia. Sa harapan ng Diyos isang taong bago na sila. Hindi na po sila dalawa. Bilang ulo ay pananagutan niya ang katawan niya para maligtas. Hindi kailanman pababayaan ng ulo ang kanyang katawan. Kaya hindi na po nalabag ni Jesus ang batas ng Diyos ukol sa nagkasala, sa harap ng Diyos ay isang taong bago na sila at sa ganito ginagawa ang kapayapaan.

. Ano ang pangalan ng tunay na Iglesia na pinangunguluhan ng Panginoong Jesucristo? Ang sagot ay mababasa

sa Roma 16:16:

"Magbatian kayo ng banal na halik. Lahat ng iglesya ni Cristo ay bumabati sa inyo" (New Pilipino Version).

Kaya hindi totoo ang paniniwala ng iba na sumampalataya lang ligtas na, gumawa lang ng mabuti ay ok na para maligtas. O tanggapin si Cristo bilang pansariling tagapagligtas ay makakapag tamo ng na kaligtasan ang tao. Kung hindi kabilang sa katawan o sa Iglesia na Pinangunguluhan niya na ito ay ang Iglesia ni Cristo, ang Iglesian pag aari ni Crsito walang karapatan sa kaligtasan. Dito naming kayo hinihikayat, hindi poi to saring salita ng mga Ministro ng Iglesia ni Cristo, ito po ay maliwanag na nakasulat sa biblia.

Maling paniniwala rin ang sinasabi ng iba na hindi na kailangan ang pag-anib sa Iglesia Ni Cristosa ikapagtatamo ng kaligtasan. Tanging sa pamamagitan lamang ng tunay na Iglesia na ginawa ng Panginoong Jesucristo na Kaniyang katawan ay mapananagutan Niya ang kasalanan ng Kaniyang ililigtas nang hindi malalabag ang batas o katuwiran ng Diyos ukol sa pagbabayad ng tao sa nagawang kasalanan.

Dahil dito, ano ang itinuro ng Tagapagligtas na dapat gawin ng sinumang taong nais na maligtas? Sa Juan 10:9

"Ako ang pintuan; sinumang pumasok sa loob ng kawan sa pamamagitan ko ay magiging ligtas ..." (Revised English Bible, isinalin mula sa Ingles)

Sa talatang ito ay hindi lamang itinuro ng Panginoong Jesucristo na dapat gawin ng tao ang pagpasok sa loob ng kawan para maligtas, kundi, ipinakilala rin Niya na Siya ay hindi nagtatangi ng tao na naghahangad na maligtas. Kaya ang sabi Niya, "...sinumang pumasok sa loob ng kawan sa pamamagitan ko ay magiging ligtas." Kung mayroon man Siyang itinatangi, ito ay ang kaparaanan─kailangang pumasok ang tao at mapaloob sa kawan. Ang kawan na dapat kapalooban para sa pagtatamo ng kaligtasan ay ang tunay na Iglesia:

"Ingatan ninyo kung gayon ang inyong mga sarili at ang buong kawan na rito'y hinirang kayo ng Espiritu Santo na mga katiwala, upang pakanin ang iglesia ni Cristo na binili niya ng kaniyang dugo" (Gawa 20:28, Lamsa Translation, isinalin mula sa Ingles)

NALALAPIT ANG WAKAS

Ang mga kaanib sa Iglesia Ni Cristo ay panatag na umaasa sa kaligtasan sapagkat ang nangako ay ang mismong Tagapagligtas. Kailan matatamo ng mga kaanib sa Iglesia Ni Cristo ang kaligtasang ipinangako ng Panginoong Jesucristo? Ang sabi ni Apostol Pablo:

"Ay gayon din naman si Cristo, na inihandog na minsan upang dalhin ang mga kasalanan ng marami, sa ikalawa'y pakikita na hiwalay sa kasalanan, sa ikaliligtas ng mga nagsisipaghintay sa kaniya" (Heb. 9:28).

Ang kaligtasang inaasahan ng mga kaanib sa Iglesia Ni Cristo ay sa ikalawang pagparito ng Panginoong Jesucristo o pagdating ng Araw ng Paghuhukom. Matagal pa kaya bago bumalik ang Panginoong Jesucristo? Paano natin malalaman kung malayo pa o malapit na ang Kaniyang pagbabalik?

"At samantalang siya'y nakaupo sa bundok ng mga Olivo, ay nagsilapit sa kaniya ng bukod ang mga alagad, na nagsisipagsabi, Sabihin mo sa amin, kailan mangyayari ang mga bagay na ito? at ano ang magiging tanda ng iyong pagparito, at katapusan ng sanglibutan?" (Mat. 24:3)

Sa talatang ito, ang itinanong ng mga alagad sa Panginoong Jesucristo ay ang tungkol sa magiging tanda ng Kaniyang pagparito at ng katapusan ng sanlibutan. Ano ang naging sagot Niya sa tanong ng mga alagad? Sinabi Niya:

"Gayon din naman kayo, pagka nangakita ninyo ang lahat ng mga bagay na ito, ay talastasin ninyo na siya'y malapit na, nasa mga pintuan nga" (Mat 24:33)

Tiyak ang tugon ng Panginoong Jesucristo sa tanong ng mga alagad Niya: "...pagka nangakita ninyo ang lahat ng mga bagay na ito, ay talastasin na siya'y malapit na." Anu-ano ang mga bagay na makikita o mangyayari kapag malapit na ang wakas ng mundo?

"At mangakakarinig kayo ng mga digmaan at mga alingawngaw ng mga digmaan; ingatan ninyo na huwag kayong magulumihanan:sapagka'tkinakailangang ito'ymangyari datapuwa't hindi pa ang wakas. Sapagka't magsisitindig ang mga bansa laban sa bansa, at ang kaharian laban sa kaharian; at magkakagutom at lilindol sa iba't ibang dako. Datapuwa't ang lahat ng mga bagay na ito ay siyang pasimula ng kahirapan." (Mat. 24:6-8)

Ito ang mga bagay na sinabi ng Panginoong Jesucristo na mangyayari kapag malapit na ang ikalawang pagparito Niya na siya ring katapusan ng sanglibutan. Ang sabi: "At mangakakarinig kayo ng mga digmaan at mga alingawngaw ng mga digmaan."

 Naganap na ang mga digmaang ito, at ito ay ang mga digmaang sumiklab noong 1914 at 1939 na tinatawag ng kasaysayan na una at ikalawang digmaang pandaigdig. Bakit natin natitiyak na ang mga digmaang nagsimula noong 1914 at 1939 ay ang mga digmaang ipinagpauna ng Panginoong Jesucristo na magaganap kapag malapit na ang katapusan ng sanlibutan? Sapagkat, ang mga digmaang ibinabala Niya ay susundan ng pagkakagutom, paglindol sa iba't-ibang dako, at paglaganap ng kahirapan na iyon nga ang nakita natin sa pangyayari. Kaya, napakalapit na ng pagbabalik ng Panginoong Jesucristo na siya ring wakas ng mundong ito. Napakalapit na ng paghuhukom na itinakda ng Panginoong Diyos. Para tayo'y makatiyak ng pagtatamo ng kaligtasan pagdating ng araw na yaon, ay dapat nating sundin ang tinuro ng Panginoong Jesucristo─ang pagpasok sa Kaniyang Iglesia o sa Iglesia ni Cristo.

 Salamat po sa inyong walang sawang pagbabasa ng pagsang ito, matanim naya sa inyong puso at isipan at magtulak para lalong pag igihin ang pagsisiyasat sa tunay na aral na sinasampalatayanan ng mga kaanib sa Iglesia ni Cristo.